Тактиканинг фан сифатида вазифалари

2.3.Mudofaadagi guruhning jangovar imkoniyatlari

Jangovar imkoniyat - bu bo‘linmani aniq vaziyatda, sharoitlarda va belgilangan vaqt ichida ma’yaum bir vazifani bajarish qobiliyatini son va sifat jihatdan ko‘rsatkichidir. Jangovar imkoniyat shaxsiy tarkib soniga, ularning jangovar, axloqiy, ruhiy tayyorgarlik holatiga, qurol-yarog‘, texnikasi mikdori va texnik holatiga, komandirlarning bilim malakasiga, o‘q-dori, moddiy ta’minot vositalari bor-yo‘kligiga, dushmanning taktik faoliyati va imkoniyati darajasiga, joylarning holatiga, sharoitga, yilning fasli, vaqti, ob-havoga va boshqa faktorlarga bog‘liq bo‘ladi.

Guruhning mudofaadagi jangovar imkoniyatlari manyovr qilish va o‘t ochish (jangovar) xususiyatlaridan kelib chiqadi. Jangovar (o‘t ochish) imkoniyatlari deganda guruhni tankga qarshi o‘t ochish vositalari va o‘qotar qurollari bilan dushman tanklari, o‘t ochish vositalari va tirik kuchlarini yo‘q qilish tushuniladi. Guruhning manyovr qilish imkoniyati deganda guruhning o‘t ochish pozitsiyalaridan ko‘chishi, jangovar tartibga yoyilishi, ut ochish rubejlari o‘rnini almashtirishi va ma’lum vaqt ichida boshqa faoliyatlarni amalga oshirishi tushuniladi.

Jangovar imkoniyatlarni yaxshi bilgan komandir, guruhga jangovar vazifani puxta qilib qo‘yadi va mavjud qurollaridan jangda unumli foydalanadi.

Dushman tanklariga qarshi mudofaada turib kurashish hujumdagi kabi tankka qarshi vositalarning jangovar samaradorlik koeffidientidan foydalanib hisoblanadi (6-jadval).

6-jadval

Mudofaadagi tankka qarshi vositalarning shartli jangovar unutsdorlik koeffitsientlari

Tankka qarshi kurash vositasi	Tayyorlangan rubejda(okopda)	Tayyorlanmagan rubejda(ochiqlik)
RPG-7	0,3	0,2
SPG-9	1,0	0,8
TQ’R (PTUR)	2,0	1,5
PJM- 1 (BMP- 1)	2,0	1,5
Tank	2,5	2,0