Тактиканинг фан сифатида вазифалари

O‘ZBEKISTON MILLIY UNIVERSITETI HARBIY

TAYYORGARLIK O‘QUV MARKAZI


Xizmat doirasida foydalanish uchun



TAKTIK VA TAKTIK-MAXSUS TAYYORGARLIK FANLARIDAN
O‘QUV QO‘LLANMA

Toshkent – 2021

Ushbu o‘quv qo‘llanma O‘zbekiston Respublikasi Mudofaa Vazirligi Milliy universiteti harbiy tayyorgarlik o‘quv markazida tahsil olyotgan talabalarni taktik va taktik maxsus tayyorgarlik fanlaridan o‘qitish uchun mo‘ljallangan. O‘quv qo‘llanmada taktik va taktik maxsus fanlar harbiy muxandislik tayyorgarligi mavzulari dastur asosida yoritilgan.

O‘quv qo‘llanma O‘zbekiston Milliy universiteti harbiy tayyorgarlik o‘quv markazi zirhli texnikalarini ekspluatatsiya qilish va ta’mirlash sikli boshlig‘i podpolkovnik Teshaboev T.YA. tomonidan yaratildi.

KIRISH
O‘zbekiston Milliy universiteti harbiy tayyorgarlik o‘quv markazi zirhli texnikalarini ekspluatatsiya qilish va ta’mirlash sikli etakchi fan hisoblanadi. Buning asosiy yo‘nalishi talabalarning yuqori darajali jang maydonlaridagi tayyorgarliga erishish va oxir oqibat malakali ofitser, tezkorlik bilan barcha vaziyatlarda mustaqil maqsadga muvofiq qaror qabul qila oladigan, mustahkam irodali tashkilotchi va boshqaruvchilik qobilyati ega bo‘lgan, suveren O‘zbekiston g‘oyalariga sodiq, umumqo‘shin bo‘linmalarining komandirlarni tayyorlash. Ularni yuqori axloqiy, ruhiy sifatlarini, keng dunyoqarashini, bilimini, peshqadamlik sifatlarini, o‘z Vataniga va Qurolli Kuchlariga nisbatan faxr bilan tarbiyalash.

Taktik tayyorgarlik umumqo‘shin bo‘linmalaridagi guruh komandirlarining kasb mahoratini asosi hisoblanadi, u o‘ziga axloqiy, jangovar, odobiy va ruxiy sifatlarini mujassamlashtiradi ularni doimo faol jang xarakatlari olib borilishga, hamda dushman ustidan har qanday sharoitda g‘alabaga intilishga undaydi.

Shuning uchun taktik tayyorgarlik harbiy markazdagi o‘quv-tarbiyaviy jarayonda etakchi o‘rinda boradi va boshqa fanlarning dasturlari mazmuniga, hamda ularning mantiqiy tuzilishiga o‘z taqsirini ko‘rsatadi harbiy tayyorgarlik o‘quv markaz ida o‘qitilayotgan barcha fanlar to‘la-to‘kis taktika talablariga va vazifalariga bo‘ysundirilishi maqsadga muvofiq.

Taktik tayyorgarlikning asosiy maqsadi har bir talabaning, kelajakda ofitserning muvafaaqiyatli jang olib borish uchun bilimli bo‘lishi va amaliy tajriba ortirishidir.

Ushbu o‘quv qo‘llanma harbiy tayyorgarlik o‘quv markazida talabalarni taktik va taktik maxsus tayyorgarlik fanlaridan o‘qitish dasturi asosida ishlab chiqilgan.

O‘quv qo‘llanma muallifi o‘z oldilariga bo‘linmalarning jangovar nizomlardagi vaziyatlarda hozirgi zamon umumqo‘shin janglarining tashkillashtirish va olib borishning asosiy qoidalarini yoritib berishni maqsad qilib qo‘yishdi.

O‘quv qo‘llanmada asosiy etibor komandirning jangni tashkil etishdagi ish tartibiga, bo‘linmalarning jangovar imkoniyatlarini hisoblash uslublariga va jang davomida ularni boshqarishdagi xarakatlari tafsilotlariga qaratilgan.

O‘quv qo‘llanmada yoritilgan tavsiyalardan jang maydonida muayan taktik vaziyatlarni hisobga olib, ijodiy yondashgan xolda foydalanish maslahat beriladi.

1. 
   UMUMQO‘SHIN JANGI ASOSLARI