Тактиканинг фан сифатида вазифалари

Taktika - jang nazariyasi va amaliyoti

Harbiy san’at ilmiy nazariya sifatida uchta tarkibiy qismga bo‘linadi - strategiyaga, tezkorlik (operativ) sana’tiga va taktikaga.

Strategiya - harbiy san’atining tarkibiy qismi va yuqori qo‘lami bo‘lib, mamlakat va Qurolli Kuchlarni urushga tayyorlash nazariyasi va amaliyotini, urush va stra­tegiya tadbirlarini rejalashtirish va olib borishni o‘z ichiga oladi.

Tezkorlik san’ati - harbiy san’atning tarkibiy qismi bo‘lib, Qurolli Kuchlar turlari birlashmalarining nazariy va amaliy tayyorgarligi ko‘rinishlarini hamda ularning hamkorlikda va mustaqil tarzda operatsiyalar (jangovar harakatlar) olib borishini o‘z ichiga oladi.

Taktika - harbiy san’atning tarkibiy qismi bo‘lib, Qurolli Kuchlarning turli ko‘rinishlari, qo‘shinlar turi (kuchlari) va maxsus qo‘shinlar bo‘linmalari va birlashmalarining nazariy va amaliy tayyorgarligini va jang olib borishini o‘z ichiga oladi. U umumiy taktikaga va Qurolli Kuchlar turi, qo‘shinlar va maxsus qo‘shinlar turi taktikasiga bo‘linadi.