Ta’limning zamonaviy yondashuvi pbl asosida Biriktiruv bog‘lovchili

Ta’limning zamonaviy yondashuvi PBL asosida

Biriktiruv bog‘lovchili bog‘langan qo‘shma gaplarni o‘rganish

Abduraimova Mahbuba Tilavqobilovna

QMII qoshidagi akademik litsey ona tili va adabiyoti o‘qituvchisi

[phone]

Annotatsiya:

Har qanday davlatning moddiy-ma’naviy taraqqiyotida ta’lim sohasi alohida, salmoqli o‘rin tutadi. Ushbu maqolada o‘qitishning zamonaviy yondoshuvlaridan biri PBL asosida mavzuni tushuntirish va darsda ko‘zlangan maqsadga erishish usullari bayon etiladi.

Kalit so‘zlar: biriktiruv bog‘lovchilar, va, hamda, PBL, muommoli ta’lim usuli, loyiha bo‘yicha o‘rgatish

O‘zining mukammal va mustahkam ta’lim tizimiga ega bo‘lgan davlat rivojlanishning yuqori cho‘qqilarini zabt eta olishi, barqaror kelajakka ega bo‘lishi bugungi kunda barchaga birdek ayon. Binobarin, bu borada davlatimizda ta'lim tizimini tubdan isloh etishga asosiy e'tibor qaratayotganligini e’tirof etmoq joiz. zamonaviy yondoshuvlaridan biri PBL asosida mavzuni PBL –nima? Qanday ta’lim usuli? Bu yondoshuv ikki xil ma’noda tushuniladi. Ya’ni PBL – Problem Based Learning- Muammoga asoslanib o‘rganish, ya’ni muommoli vaziyatlarni muhokama tarzida o‘rganish; PBL -Project Based Learning- loyiha bo‘yicha o‘rganish, ya’ni mavzuni loyiha asosida o‘rganish.

Akademik litseyda “Biriktiruv bog‘lovchilari yordamida bog‘langan qo‘shma gaplar” mavzusini PBL- Project Based Learning- loyiha bo‘yicha o‘rganishga e’tiboringizni qaratmoqchiman. Dars o‘tish uchun o‘qituvchi tomonidan loyiha ishab chiqiladi.

Darsdan ko‘zlangan ta’limiy maqsad - O‘quvchi nutqiy ko‘nikmalarini hosil qilish, o‘zbеk tilining boy imkoniyatlaridan o‘z mutaxassisliklari borasidagi dunyoqarashini kеngaytirish va o‘zbеk tili taraqqiyoti masalalariga e’tibor qaratish, oldindan egallangan bilimlarni mustahkamlash; tarbiyaviy maqsad - nazariy bilimlarni mustahkamlovchi mashqlardagi matnlar orqali o‘quvchilarda «Biriktiruv bog‘lovchili bog‘langan qo‘shma gap» haqida ma’lumot bеrish , mavjud bilimlarni mustahkamlash; rivojlantiruvchi maqsad- o‘quvchilarda mavjud bo‘lgan bilimlarni rivojlantirish, «Biriktiruv bog‘lovchili bog‘langan qo‘shma gap» mavzusi yuzasidan bilimlarini mustahkamlash.