“Тарбия биз учун ё ҳаёт ё мамот, ё нажот ё ҳалокат, ё саодат ё фалокат масаласидир”

Tarbiya fani

Tarbiya fani O‘zbekiston Respublikasi Prezidentining tashabbusi bilan umumiy o‘rta ta’lim muassasalarida 2020-2021-o‘quv yilidan boshlab joriy qilindi. Ushbu fan Uzluksiz ma’naviy tarbiya konsepsiyasining bir qismi sifatida o‘quvchilarda “Milliy tiklanishdan – milliy yuksalish sari” g‘oyasini singdirish, ularni ijtimoiy muvaffaqiyatli hayotga tayyorlash, faol fuqarolik pozitsiyasi, mas’uliyat, majburiyat, huquqiy ong va madaniyat, teran dunyoqarash, sog‘lom e’tiqodlilik, ma’rifatparvarlik, bag‘rikenglik kabi fazilatlarni shakllantirishni maqsad qilib qo‘ygan.

Ushbu fan darsliklari Xalq ta’limi vazirligi huzuridagi Respublika ta’lim markazi rahbarligida professor-o‘qituvchilar, amaliyotchi o‘qituvchilar, psixologlardan iborat mualliflar jamoasi bilan hamkorlikda yaratildi.

Fan va darslik konsepsiyasini yaratishda Yaponiya, Singapur, Angliya, BAA, Xitoy, Koreya, Rossiya, Germaniya kabi xorijiy davlatlarning tajribasidan foydalanildi.

2020-2021-o‘quv yilida umumiy o‘rta ta’lim muassasalarida 1-9-sinf darsliklari nashrga tayyorlandi. 2021-2022-o‘quv yilida 10-11-sinf darsliklarini nashrga tayyorlanmoqda.

“Таълимни тарбиядан, тарбияни эса таълимдан ажратиб бўлмайди – бу шарқона қараш, шарқона ҳаёт фалсафаси”. 
Бу рақобатли дунёда енгилмаслик учун кучли бўлишнинг ўзи кам. Бунинг учун енгилмас кучга эга бўлмоқ керак. Енгилмас кучни қаердан олиш мумкин? Маънавиятдан. Қандай маънавиятдан? Юксак маънавиятдан. Юксак маънавиятни-чи? Тарбиядан. Чунки “... таълим-тарбия тизимини ва шу асосда онгни ўзгартирмасдан туриб, маънавиятни ривожлантириб бўлмайди”.
Ислом Каримов

Болаларни ким тарбиялаяпти?

Ўзбекистонда ҳозир 7,5 миллиондан ортиқ оила бор. Бу – 7,5 миллиондан ортиқ ота,
7,5 миллиондан ортиқ она демак.
7,5 миллиондан ортиқ тарбия муҳити, тарзи демак.
Ота оналарнинг бола тарбияси борасидаги билим, малакалари ҳам ҳар хил. Мисол учун,
Абдушукур ака: “Мен болаларимни яхши едириб, ичирсам бўлди. Мактаб бор-ку. Тарбиялайди-да”;