Tayanch konspekt tuzish (chizma tasviriy modellar (intellekt kart, freym, mantiqiy graf va boshqalar) yaratish shakli

Tayanch konspekt tuzish (chizma tasviriy modellar (intellekt kart, freym, mantiqiy graf va boshqalar) yaratish shakli - taklif etilgan adabiyotlar va qo‘shimcha manbaalar asosida mavzuning asosiy mazmunini ifodalash va to‘liq yoritilmagan qismini mustaqil tahlil qilish.
Tayanch konspekt tuzish shaklidagi mustaqil ta’limning maqsadi – adabiyotlar, qo‘shimcha manbaalar bilan ishlash hamda ularni mustaqil tahlil etish va muhim ma’lumotlarni tanlash ko‘nikmasini shakllantirish.
Tayanch konspekt tuzish shaklidagi mustaqil ta’limning vazifasi:

• 
  umumiy nazariy bilimlardan asosiy qismlarini ajratib olib, aniq, qisqa, lo‘nda fikrlarni yozish ko‘nikmasiga ega bo‘lish;
  
• 
  nazariy bilimlarni yozma bayon etib berishni rejasini shakllantirish;
  
• 
  nazariy bilimlarni hayotiy misollar bilan asoslab, isbotlab berish ko‘nikmasini egallash.
  

Tayanch konspekt tuzish shaklidagi mustaqil ta’limni bajarish bo‘yicha uslubiy ko‘rsatma
Talabalar uchun:

• 
  mavzu yuzasidan zarur bo‘lgan adabiyotlarni saralash;
  
• 
  konspekt uchun zarur bo‘lgan matnlarni ajratish;
  
• 
  matnlar bilan tanishib, uning muhim qismlarini yozma tarzda ifodalash;
  
• 
  o‘qib, o‘zlashtirgan matnni yozma tarzda bayon etish.