Tayyorladi: Parkent tumani xtb tasarrufidagi 56-umumiy o‘rta ta’lim maktabi O‘ibdm: M. Y. Ismoilova

Ma’ruza «Zamonaviy maktab loyihasi: qo‘yiladigan talablar va hujjatlarni rasmiylashtirish tartibi»

Tayyorladi:

Parkent tumani XTb tasarrufidagi 56-umumiy o‘rta ta’lim maktabi O‘IBDM: M.Y.Ismoilova

O‘zbekiston Respublikasi Prezidentining qarori “Zamonaviy maktab”larni tashkil etish chora-tadbirlari to‘g‘risida

2019-yil 26-noyabr,

PQ-4537-son

Yangi turdagi umumta’lim muassasalarini barpo etish va muqaddam qurilgan binolarni bosqichma-bosqich zamon talablariga moslashtirish, o‘quv-tarbiya jarayonida zamonaviy pedagogik texnologiyalarni qo‘llash, ta’lim xizmatlari bozorida raqobatni rivojlantirish orqali umumiy o‘rta ta’limni yangi bosqichga olib chiqish maqsadida:

1. O‘zbekiston Respublikasi Xalq ta’limi vazirligi, Qurilish vazirligi, Sog‘liqni saqlash vazirligi va tizimida umumiy o‘rta ta’lim muassasalari bo‘lgan vazirlik va idoralarning ilg‘or arxitektura yechimlari va energiya tejovchi texnologiyalar asosida barpo etiladigan hamda jihozlanadigan, xalqaro talablar asosida sifatli ta’lim-tarbiya berish uchun zarur shart-sharoitlar yaratishga qaratilgan “Zamonaviy maktab”larni tashkil etish to‘g‘risidagi taklifi ma’qullansin.

2. O‘zbekiston Respublikasi Xalq ta’limi vazirligi 2020-yil 1-martga qadar:

• a) O‘zbekiston Respublikasi Qurilish vazirligi bilan birgalikda xorijiy tajriba va mamlakatning tabiiy iqlim sharoitlariga mos, ekologik toza materiallar va energiyaning muqobil manbalari, energiya tejovchi hamda ilg‘or texnologiyalar va muhandislik yechimlarini qo‘llashni nazarda tutuvchi “Zamonaviy maktab”larni qurish va rekonstruksiya qilishning namunaviy loyihalarini;

• b) manfaatdor vazirlik va idoralar bilan birgalikda umumiy o‘rta ta’lim muassasalarini zamonaviy mebel va jihozlar, o‘quv-laboratoriya asbob-uskunalari, o‘quv-uslubiy materiallar, kompyuter va multimedia hamda video-kuzatuv vositalari bilan jihozlashning yangi me’yorlarini;

v) O‘zbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasi bilan birgalikda: