Тез тиббий ёрдам хизмати диспетчерининг хатти-ҳаракатлари баённомаси

3. Махсус ҲОЛАТЛАР
3.1. Беморга тиббий ёрдам кўрсатилганидан кейин унинг соғлиғи ҳолатини кейинчалик ҳам тиббий кузатиш зарур бўлганда ТТЁ бригадаси чақируви бўйича ахборот иш кунлари сутка давомида амбулатория-поликлиникамуассасаларига юборилади.
3.2. Тез тиббий ёрдамнинг атайин асоссиз чақирилишида айбдор бўлган, безорилик ёки шўхлик қилиб ёлғон маълумотларни берган, шунингдек кўчма бригадалар ходимларига нисбатан ижтимоий зид (безорилик, хавфли)хатти-ҳаракатларга йўл қўйган шахслар ҳақида уларни маъмурий ёки жиноий жавобгарликка тортиш учун тегишли органларга ахборот юборилади.
3.3. Тиббий ходимларнинг ҳаёти ва соғлиғига ҳавф солувчи вазиятларда (хонада хавфли уй ҳайвонларининг бўлиши, чақирув қилган ёки жабрланган шахслар, гиёҳванд моддалар, алкоголдан мастлик ҳолатидаги шахслар гуруҳи,безорилик қилаётган шаҳслар ва ҳ.к. томонидан таҳдид мавжуд бўлиши) тез тиббий ёрдам бригадаси чақирувда бирга ишлаш учун ИИВ органларига мурожаат қилишга ҳақли. Бундай ҳолларда шахсий хавфсизликни таъминлаш имкони бўлмаганда, кўчма бригада чақирув бўйича хизмат кўрсатмаслиги мумкин.
3.4. Жабрланувчини кўриш имкони бўлмаган ҳолларда (у сув ҳавзасида, катта баландликда, чуқурликда бўлса, автомобиль парчалари, қурилиш конструкциялари орасида қисилиб қолган бўлса ва ҳ.к.) тез ёрдам бригадаси чақирувда бирга ишлаш учун ФВВ бўлинмаларига мурожаат қилишга ҳақли.
3.5. ТТЁ бригадалари томонидан хизмат кўрсатилган ва касалхонага етказилган беморлар ва жабрланувчилар ҳақида оғзаки маълумотларни аҳоли куну тун 103 телефони бўйича ҳамда касалхоналар қабул бўлимлари телефонлари бўйича олиши мумкин.
3.6.  Тез тиббий ёрдам бригадалари чақирувлари бўйича ёзма маълумотлар ташкилотлар ва муассасаларнинг ёзма сўрови асосида ТТЁ станцияси статистиги томонидан берилиши мумкин.

Соғлиқни сақлаш вазирининг

2017 йил “31” мартдаги
131-сонли буйруғига
1-илова
«103»БРИГАДАЛАРИ ТОМОНИДАН ТЕЗ ТИББИЙ ЁРДАМ КЎРСАТИШ СТАНДАРТЛАРИ