Tomchilar yumalab tushar bemalol. Yuvib ketmoqchi dil zimistonini

Sen - yozishga arzirli suluv,
Roman bo'lar ko'rgan tushing ham -
G'oyibona tabassuming-u
Telefonxat jo'natishing ham.

Sen - ma'noga ko'milgan xilqat,
Xayolingda bo'limlar, boblar...
Nigohingdan cho'chir bahaybat -
Meni qo'rqituvchi kitoblar.

Sen - shabnami pinhona g'uncha
Va muzlarni yorib chiqqan gul.
Mo'jizalar sirlimas sencha,
Sen - dengizda toshlar ichra dur.

Har kim qoshi g'ijim ko'yicha
O'yga tolar nedir o'rgatsang.
Inson bo'lib yashash bo'yicha
Insoniyat uchun o'rnaksan.

(Sen - yozishga arzirli suluv.)
(Sen - yozishga arzirli ovoz.)
(Kechir, senga she'r yozolmadim,
Mashqlarimga qo'sholdim xolos.)

Muallif: Shavkat Do'stmuhammad


Тушунтириб овора бўлма,
Уринишлар бари бефойда.
Менсиз бир кун яшай олдингми,
Нафас олиб ҳавосиз жойда.

Жим,овозсиз урдими юрак,
Ер айланди оёқ остида,
Қандай яшай олишинг мумкин,
Ҳаётинг йўқ бўлса аслида.

Демак мумкин,
Демак оддий ҳол.
Бунчалар ҳам нодон бўлмасам,
Сенга нима даҳли бор ахир,
Сенсиз бир кун яшай олмасам.

Жуда қизиқ,
Кулгили ҳатто.
Қуёш кулиб боқяпди сенга,
Кундузларга кулиб кетақол,
Тунларингни қолдириб менга!

Фойдаси йўқ,
Кечиргин дема,
Уздим кўнгил боғлаганимни.