Toshkent davlat pedagogika universiteti tabiiy fanlar fakulteti

Kurs ishining dolzarbligi. Shavkat Mirziyoyev 15-iyun kuni Toshkentda boʻlib oʻtgan "Ijtimoiy barqarorlikni ta’minlash, muqaddas dinimizning sofligini asrash – davr talabi" mavzuidagi anjumanda soʻzlagan nutqida yosh avlod tarbiyasi haqida alohida toʻxtalib oʻtdi. 
"Bizni hamisha oʻylantirib keladigan yana bir muhim masala – bu yoshlarimizning odob-axloqi, yurish-turishi, bir soʻz bilan aytganda, dunyoqarashi bilan bogʻliq. Bugun zamon shiddat bilan oʻzgaryapti. Bu oʻzgarishlarni hammadan ham koʻproq his etadigan kim – yoshlar. Mayli, yoshlar oʻz davrining talablari bilan uygʻun boʻlsin. Lekin ayni paytda oʻzligini ham unutmasin. Biz kimmiz, qanday ulugʻ zotlarning avlodimiz, degan da’vat ularning qalbida doimo aks-sado berib, oʻzligiga sodiq qolishga undab tursin. Bunga nimaning hisobidan erishamiz? Tarbiya, tarbiya va faqat tarbiya hisobidan”, deya ta’kidladi Prezidentimiz. 
Bu vazifalar maktab, oila, mahalla, butun jamoatchilikka katta mas’uliyat yuklaydi. Mamlakatimizda ta’lim-tarbiya sohasining barcha boʻgʻinlari – maktabgacha ta’lim, maktab, oʻrta maxsus va oliy ta’lim tizimini takomillashtirish, yangi muassasalar bunyod etish va mavjudlarini qayta ta’mirlash boʻyicha olib borilayotgan ishlar yoshlar kamolotida oʻz samarasini beradi.
Prezendetimiz Shavkat Mirziyoyev aytganidek, biz yoshlar buyuk ajdodlarning munosib davomchilari boʻlishimiz zarur. Buning uchun tinmay oʻqishimiz, bilim egallashimiz, til oʻrganishimiz, fanning turli boʻlimlarini puxta egallashimiz darkor. Boʻlajak kimyogar oʻqituvchilar sifatida kelgusi oʻsib kelayotgan yosh farzandlarni toʻgʻri kamol topishi, puxta bilimga ega boʻlishi uchun bor imkoniyatlarimizni ishga solishimiz darkor.
Kurs ishining maqsadi: Metallar haqida malumotlarga ega boʻlish, ularni fizik-kimyoviy xossalari va turli sohalarda qoʻllanishini oʻrganish;
Kurs ishining vazifalari: kurs ishining maqsadidan kelib chiqqan holda quyidagi vazifalarni bajarish uchun belgilab oldik:
- davriy Sistema va undagi elementlarning joylashuvi haqida tushunchalarni yoritish;
- metallarning tasnifi haqida umumiy ma’lumotlar oʻrganish;
- metallarning tabiatda tarqalishi haqida qoʻshimcha ma’lumotlar toʻplash;
- metallarning olinishi haqida ma’lumotlar toʻplash;
- metallarning fizikaviy va kimyoviy xossalari mavzusiga doir ilmiy va oʻquv adabiyotlarni oʻrganib chiqish va uni yoritish.