Тошкент кимё-технология институти “Менежмент ва касб-таълим” факультети

Атамалар таърифи.
Асептик шароитлар – тайёр маҳсулотга микроорганизмлар ёки механик заррачалар тушиб қолишини истисно қилувчи стерил дори моддалари ёки тайёр дори воситалари ишлаб чиқариш шароити.
Яроқсиз (яроқсиз деб топилган маҳсулот) – технологик ҳужжат талабаларига амал қилинмай чиқарилган ёки белгиланган стандартга мос келмайдиган махсулот.
Валидатция – ишлаб чиқариш шароити, технологик жараёни, жиҳозлар, ярим тайёр маҳсулот ва тайёр маҳсулот сифатини белгиланган талабларга мослигини ҳужжатлар асосида тасдиқлаш.
Вентилясияланган ҳаво – вентилятордан вентилясион тизимга келаётган ва ишлаб чиқариш хонасининг тегишли даражадаги тозалигини таъминловчи тозаланган ҳаво.
Ҳаво шлюзи – тозаликнинг турли даражаларига мансуб хоналар орасидаги туташ жойга “тоза” хонага механик заррачалар ва микроорганизмлар киришини олдини олиш мақсадида ўрнатилган қурилма. Шлюзни одамлар, жиҳозлар ва ҳар хил материалларни бир хонадан бошқа хоналарга ўтказиш учун ишлатиш мумкин.
Ёрдамчи материаллар – тайёр маҳсулот ишлаб чиқаришда фойдаланиладиган бироқ, алоҳида дори сифатида фойдаланишга мўлжалланмаган модда ёки материаллар.
Тайёр маҳсулот – ишлаб чиқаришнинг барча босқичларини шу жумладан ўраш ва маркалаш босқичини ҳам ўтаган дори шакли.
Тайёр дори воситаси – даволаш ҳусусиятига эга бўлган дори шакли хусусий истеъмолчига даволаш учун қулай бўлган шаклда сотишга тайёрланган дори воситаси[5-7]
Карантин – хом ашё, ёрдамчи, ўров, маркалаш материалларининг, ярим тайёр маҳсулотнинг алоҳида жойда сақланаётган ёки уларни ишлатишга қарор чиқарилгунча сотилиш ва фойдаланишни таъқиқлайдиган ҳуқуқий холатлардир: сотилиш, яроқсизларни ажратиш ёки қайта тиклаш.
Сифат - тайёр маҳсулот хусусияти ва ундан фойдаланиш учун белгиланган стандартларга яъни рўйҳатга киритилган технологик жараённи асосий параметрларига мослигини аниқлаб берувчи белгилар йиғиндисидир.
Хонанинг тозалик даражаси – хонанинг “тоза” ёки “тозалик” даражаси 1 м³ ҳавода маълум катталикдаги механик заррачалар ва микроорганизм миқдорига қараб белгиланади.
Кодлаштириш – тайёр маҳсулотни автомат тарзда бир турда эканлигини таққослаш имконини берувчи ёзувлар тизими.
Ишлаб чиқариш жараёни назорати – тайёр маҳсулот сифатини меъёрий ҳужжат талабларига мослигини таъминлаш учун чиқарилаётган маҳсулотни ишлаб чиқариш жараёнини кузатиш мақсадида тегишли технологик параметрларга корректировка киритишни босқичма-босқич назорат қилиш турларини амалга ошириш. Атроф муҳит ва жиҳозлар тозалиги назорати ишлаб чиқариш жараёни назоратининг бир қисми ҳисобланади.