Toshkent moliya instituti moliya fakulteti "davlatiy moliya" kafedrasi utanov asrorbek zokir o

BOB. DAVLAT MOLIYASI BARQARORLIGINI TA’MINLASHDA DAVLAT QARZINI SAMARALI BOSHQARISH CHORA-

TADBIRLARI………………………………………………………........................

1. 
   Davlat qarzini boshqarishning xorij tajribasi
   
2. 
   Davlat qarzini boshqarish samaradorligini oshirish yo’llari
   

XULOSA VA TAKLIFLAR………………………………………….....................

FOYDALANILGAN ADABIYOTLAR RO’YXATI……………………………..

KIRISH

Iqtisodiyotni erkinlashtirish va rivojlantirish, ishbilarmonlik muhitini yaxshilash, iqtisodiyot tarmoqlarining raqobatbardoshligini oshirish bo’yicha tub islohotlarni amalga oshirishga qaratilgan 2017-2021-yillarda O’zbekiston Respublikasini rivojlantirishning beshta ustuvor yo’nalishi bo’yicha Harakatlar strategiyasini¹ amalga oshirish mamlakat ijtimoiy-iqtisodiy rivojlanishining barqaror, ijobiy o’sishini ta’minlamoqda.

Respublikamizda makroiqtisodiy barqarorlikni ta’minlash, valyuta bozorini erkinlashtirish, yuqori likvidli tovarlarni sotishning bozor usullarini joriy etish, tadbirkorlikni qo’llab-quvvatlash va rag’batlantirish bo’yicha amalga oshirilgan chora-tadbirlar aholining keng qatlamlarini tadbirkorlik faoliyatiga faol jalb qilish uchun qulay shart-sharoitlar yaratdi hamda iqtisodiy islohotlarni izchil davom ettirish uchun mustahkam zamin yaratdi.

Iqtisodiyot tarmoqlarida chuqur tarkibiy o’zgartirishlarni amalga oshirish, tovarlar va xizmatlarning sifatli bozorini shakllantirgan holda raqobatbardosh bozor iqtisodiyotiga o’tish jarayonini jadallashtirish, aholini ijtimoiy himoya qilish tizimini takomillashtirish va mustahkamlash, davlat aktivlarini boshqarishda bozor tamoyillarini joriy etish mamlakat iqtisodiy taraqqiyotining yangi bosqichida muhim ahamiyat kasb etadi.

Shuningdek, islohotlar sharoitida davlatning funksiyalarini qisman bosqichma-bosqich boshqa tarmoqlarga o’tkazib borish, davlat byudjeti mablag’larini maqsadli sarflanishi ustidan nazoratni kuchaytirish, bu bo’yicha Moliya vazirligining mas’uliyatini yanada oshirish zamon talabiga aylanib bormoqda.

O’zbekiston Respublikasi Prezidentining “Iqtisodiyotni yanada rivojlantirish va iqtisodiy siyosat samaradorligini oshirishning qo’shimcha chora-tadbirlari

¹ O‘zbekiston Respublikasi Prezidentining 2017-yil 7-fevraldagi “O‘zbekiston Respublikasini yanada rivojlantirish bo‘yicha harakatlar strategiyasi to‘g‘risida” 4947-sonli Farmoni, O‘zbekiston Respublikasi qonun hujjatlari to‘plami, 2017 y., 6-son, 70-modda.

to’g’risida”²gi Farmonida sohalarni rivojlantirish bo’yicha Konsepsiyalar ishlab chiqilishi belgilandi.

Farmonga ko’ra 2019-2021-yillarda O’zbekiston Respublikasi tarkibiy islohotlarning asosiy yo’nalishlarining “Yo’l xaritasi”da belgilanishicha fiskal siyosatni amalga oshirishda davlatning ichki va tashqi qarzlarini boshqarish strategiyasini ishlab chiqish bo’yicha:

-davlat aktivlari sifati va likvidliligini konsolidatsiyalashgan holda baholash;

-ichki va tashqi qarzlarning hamda davlat qarzi hajmining “yuqori chegarasini” joriy qilish;

-ichki bozorda davlat qarzlarini shakllantirish bo’yicha chora-tadbirlarni amalga oshirish;

-qarzlarni boshqarish infratuzilmasini yaxshilash va davlat qimmatli qog’ozlarni muomalasi negizida bozor vositalarini rivojlantirish belgilandi.

Farmonda davlatning ichki va tashqi qarzlarini boshqarishni takomillashtirish bo’yicha belgilangan vazifalar mavzuning dolzarbligini belgilaydi. Davlat qarzlarining mohiyati va ahamiyati, davlat qarzlarining turlari va tasniflanishi, davlat qarzlarining yuzaga kelish sabablari, davlatning ichki va tashqi qarzlariga xizmat ko’rsatish, davlat qarzlarini boshqarish metodlari, davlatning qarzlarga doir kafolatlari va ularni ijro etishni tadqiq qilish bugungi kunning dolzarb

masalalaridan biridir.