Bitiruv malakaviy ishining tuzilishi va tarkibi.
Ushbu malakaviy bitiruv
ishi kirish, uchta bob, xulosa va takliflar, foydalanilgan adabiyotlar kabi tarkibiy
qismlardan iboratdir.
9
I-BOB. FISKAL SIYOSATNING MAZMUNI VA UNI MOLIYA
TIZIMI BARQARORLIGINI TA’MINLASHDAGI O’RNI
1.1.
Fiskal siyosatning ijtimoiy-iqtisodiy mazmuni
Jamiyat iqtisodiy taraqqiyoti bir tomondan uning ichki mexanizmiga
bog’liq bo’lsa, ikkinchi tomondan boshqaruvning xarakteriga, ijtimoiy-siyosiy
holatga, muvozanatga bog’liq bo’ladi. Oddiy qilib aytganda ustqurmaga ham
bevosita bog’liqdir. Mazkur jarayonda ijtimoiy siyosat alohida rol o’ynaydi.
Ijtimoiy siyosat o’z navbatida ichki va tashqi madaniy-ma’rifiy, siyosiy,
iqtisodiy siyosat kabilarga bo’linadi. Iqtisodiy siyosat ham o’z navbatida moliya,
pul-kredit, budjet, soliq siyosati kabi turlarda amal qilib, ularni yaxlitligi
makroiqtisodiy darajada qonun chiqaruvchi, ijro etuvchi va sud hokimiyatlari
faoliyatlarining asosiy ajralmas qismiga aylanadi. Shu o’rinda soliq siyosatining
mazmuniga to’xtalib o’tadigan bo’lsak, yuqorida qayd etilganidek, soliq siyosati
- bu iqtisodiy siyosatning ajralmas bir bo’lagi bo’lib, davlatning muayyan
davrda aniq maqsadlarga qaratilgan soliq sohasidagi faoliyatidir. U tarkiban
soliqlarni joriy etish, soliqqa oid huquqiy baza yaratish, joriy etilgan soliqlar va
soliqsiz to’lovlarni amaliyotda ishlash mexanizmini shakllantirish va
samaradorligini oshirishga qaratilgan davlatning tegishli vakolatli organlari
tomonidan kompleks tarzda olib boriladigan chora-tadbirlar yig’indisidir.
Mamlakat soliq tizimi xususiyatlari, yo’nalishlari, qanday soliqlarning joriy
etilishi, ular o’rtasidagi nisbatni ta’minlash kabi masalalarni soliq siyosati
belgilab beradi.
Moliyaviy barqarorlik-umumiy tushuncha bo’lib o’z ichiga bir qancha
makroiqtisodiy holatni aks ettiruvchi asosiy ko’rsatkichlarni mujassamlashtiradi.
Bu ko’rsatkichlarga:
- Yalpi milliy mahsulot, yalpi ichki mahsulot, milliy daromad;
10
- davlat budjeti taqchilligi, deflyator, iste’mol baxolari indeksi,
inflyatsiyaning o’sish sur’atlari;
- ishsizlik darajasi va ishsizlar soni, aholini ish bilan bandlik darajasi;
- aholini moddiy ne’matlar va xizmatlari iste’moli xajmi, ularning
jamg’armalari, ish xaqining quyi miqdori va boshqalar.
Bu ko’rsatkichlar iqtisodiy tizimning umumiy holatini ifodalab, ijtimoiy
ishlab chiqarishda barcha qatnashuvchilarni (korxona, tarmoq, mintaqa, davlat)
va uy xo’jaligi faoliyatlari natijasida aniqlanadi.
Ana shu ko’rsatkichlarnining yuqori darajasi, talab va taklifning
mutanosibligi va asosiy bo’lgan budjet daromad va xarajatlarining balansliligi
makroiqtisodiy barqarorlikni to’liq ifoda etadi.
Fiskal siyosatning iqtisodiy mazmuniga doir turli xil qarashlarni tahlil
qilish, aniq iqtisodiy-ijtimoiy tizimlar sharoitidagi va amal qilish xususiyatlarini
hamda davlatning iqtisodiyotga samarali ta’sir qilish dastaklaridan ekanligini
asoslash va milliy iqtisodiyotning muvozanatligini ta’minlashdagi ustuvor
yo’nalishlarini, aniq iqtisodiy tamoyillarini belgilash zarurdir. Chunki, davlat
paydo bo’lishi bilan fiskal siyosat jamiyatdagi turli xil iqtisodiy munosabatlarni
tartibga solishning zaruriy tarkibiy qismlaridan va jamiyat rivojlanishi ob’ektiv
ravishda taqozo qiladigan talablaridan biri bo’lib kelgan. Davlat tuzilishi
shakllariga va jamiyatning shu jumladan moliyaviy siyosat dastaklari o’zgarib
to’htovsiz takomillashib borgan. Inglizcha variantdagi so’z orqali kirib kelgan
«fiskal siyosat» tushunchasi mamlakatimiz va xorij iqtisodiy adabiyotlarida
turlicha talqin qilinadi, ko’p hollarda «budjet - soliq», «moliya - soliq» va
«moliyaviy siyosat» deb yuritiladi.
Davlat fiskal siyosati - bu davlat budjeti daromadlari va xarajatlari tarkibiy
qismini o’zgartirish orqali milliy iqtisodiyotga ta’siri tushuniladi.
«Fiskal» lotincha «fiscus» so’zidan olingan bo’lib, xazina degan ma’noni
anglatadi. Bu o’z navbatida «xazina siyosati» degan tushunchani ham yuzaga
keltiradi. Iqtisodiy o’sish maqsadlaridan kelib chiqib, fiskal siyosat bandlik
11
darajasini va shu orqali YaMM real hajmini oshirishga yo’naltiriladi. Bunda
rag’batlantiruvchi fiskal siyosat dastaklari bo’lib:
·
davlat xarajatlarining o’sishi;
·
soliq stavkalarining pasayishi hisoblanadi.
Boshqacha aytganda, hozirgi vaqtda davlat budjet barqarorligini
ta’minlashga qaratilgan moliyaviy siyosat iqtisodiy inqiroz yoki turg’unlik
davrida budjet taqchilligini bartaraf etish maqsadlariga qaratilishi zarur.
Agar davlat o’zining fiskal va xarajatlar siyosatidan foydalanib, mahsulot
ishlab chiqarish hajmini bir me’yorda ushlab turishga va narxlarning
barqarorligini ta’minlashga intilsa, bunda u iqtisodiyotda barqarorlashtirish
siyosatini olib borishga intilayotgan bo’ladi. Bunda baqarorlashtirish siyosatiga
davlatning iqtisodiy jarayonlarini rag’batlantirish yoki ushlab turishga qaratilgan
moliyaviy siyosat, deb qarash kerak emas, chunki ular turlicha maqsadni ko’zlab
bir - biridan farqlanadilar.
Davlatning iqtisodiy faoliyatni chegaralash siyosati o’z navbatida potensial
darajasidan keskin farq qilayotgan real YaMM hajmini kamaytirishga
yo’naltirilgan bo’lib, bu davlatning iqtisodiy o’sish va uning pasayish davrlari
inflyatsiya va takror ishlab chiqarish jarayonlaridagi inqirozlardan qochishidir.
Hozirgi sharoitda davlatning moliyaviy siyosatini amalga oshirishning uchta
vazifasini alohida ajratib ko’rsatish mumkin.
1.
Fiskal siyosat rivojlanish konseptsiyasining ilmiy asosli
yondashuvini ishlab chiqish. Bu aholi iste’mol darajasi, ishlab chiqarishni
takomillashtirish va iqtisodiy qonunlar talablarini hisobga olishni taqozo qiladi;
2.
Joriy davrda va o’zoq istiqbolda moliyaviy vositalardan
foydalanishning ustuvor yo’nalishlarini aniqlash. Bunda fiskal siyosatning
konseptsiyasi va strategiyasini ishlab chiqish ko’zda tutiladi. Shu bilan
birgalikda ko’rib o’tilgan maqsadlardan kelib chiqib, moliyaviy resurslarning
qisqarish va o’sish imkoniyatlari hisobga olinadi, tashqi va ichki siyosiy -
iqtisodiy omillar ham o’rganiladi.
12
3.
Amaliy harakatlar natijasida fiskal siyosat sohasidagi qo’yilgan
maqsad va vazifalarga erishish. O’z - o’zidan aniqki, iqtisodiyotga moliyaviy
siyosatning to’g’ridan - to’g’ri ta’siri faqatgina shu bosqichdan boshlanadi, biroq
uning samaradorligi oldingi ikki bosqichning mazmuni bilan belgilanadi.
Iqtisodiyotning siklli rivojlanishini tartibga solish orqali makroiqtisodiy
muvozanatlikni ta’minlab borishga qaratilgan fiskal siyosat bir qator moliyaviy
vosita va iqtisodiy dastaklar yordamida amalga oshiriladi. Qo’llaniladigan bu
barcha moliyaviy vosita va dastaklar birgalikda tartibga solishning moliyaviy
mexanizmini tashkil qiladi.
Ma’lumki, iqtisodiy nazariyada va amaliy hayotda fiskal siyosatning ikkita
turi ajratiladi:
·
Diskretsion fiksal siyosat yoki bevosita davlat tomonidan amalga
oshiriladigan siyosat;
·
Nodiskretsion fiskal siyosat yoki avtomatik ravishda barqarorlashtiruvchi
siyosat.
Nodiskretsion fiskal siyosat deyilganda, soliq intizomining mustaqil
barqarorlashtiruvchi bir qator layoqatlari, ya’ni uning mamlakatdagi iqtisodiy
faoliyatni qandaydir boshqaruvchi organlarning bevosita aralashuvlarisiz
tartibga solish imkoniyatini beruvchi ayrim xususiyatlari tushuniladi.
Davlat xarajatlari va soliqlar miqdorining o’zgarishi ayrim holatlarda
avtomatik ravishda amalga oshiriladi. Barcha turdagi soliqlar ham SMM
o’sishiga mos ravishda sof soliqlar tushumini ko’paytiradi ( sof soliq umumiy
soliqlar tushimidan davlat trasfert to’lovlarini ayirmasiga teng). SMM
miqdorining o’sib borishi bilan individual daromad soliqlari, korxonalar
daromad va foyda soliqlari, QQS, aksizlar miqdori oshib boradi. Va aksincha
SMM miqdori kamaysa soliq tushumlari kamayadi. Bu yerda transfert to’lovlari
qarama-qarshi xususiyatga ega. Chunki iqtisodiy o’sish sharoitida ishsizlarga
to’lanadigan nafaqalar, fermerlarga beriladigan subsidiyalar kamayadi va
iqtisodiyot inqirozga uchrayotganda esa ko’payadi. Quyidagi chizma bizga soliq
tizimi qanday qilib barqarorlikni oshirishini tushunish imkonini beradi.
13
Ushbu rasmda davlat xarajatlari SMM maxsulot miqdori qanday bo’lishidan
qatt’iy nazar davlat tomonidan bir xil qilib belgilangan. Soliq tushumlari esa
SMM miqdori bilan mos ravishda o’sib boradi.
SMM miqdori va soliq tushumlari o’rtasidagi bu to’g’ri bog’liqlik ikki
holatda katta ahamiyatga egadir
Do'stlaringiz bilan baham: |