Toshkent moliya instituti moliya kafedrasi moliya fanidan

O’ZBEKISTON RESPUBLIKASI OLIY VA O’RTA MAXSUS TA’LIM VAZIRLIGI
TOSHKENT MOLIYA INSTITUTI
MOLIYA KAFEDRASI
MOLIYA FANIDAN

KURS ISHI
Mavzu: O’zbekiston ijtimoiy siyosati va uning asosiy yo’nalishlari.
Bajardi: IKM – 60 talabasi
Xursandov Sohib
Ilmiy rahbar: k.o’q. Ismoilova N


Toshkent_2020


REJA:
KIRISH
1. Davlat ijtimoiy siyosatining iqtisodiy mazmuni va axamiyati.
2. O’zbekiston respublikasi davlat ijtimoiy siyosatining asosiy yo’nalishlari.
3. Axoli daromadlariga davlat ijtimoiy siyosatining ta’siri.
4. Ijtimoiy siyosatni tashkil etishni xorij tajribasi.
Xulosa
Foydanalingan adabiyotlar ro’yxati.

Kirish


Ijtimoiy siyosat – bu davlatning daromadlar taqsimotidagi tеngsizlikni yumshatishga va bozor iqtisodiyoti qatnashchilari o’rtasidagi ziddiyatlarni bartaraf qilishga yo’naltirilgan siyosatdir.
Rеspublikada bozor munosabatlariga o’tish davrida ijtimoiy siyosat aholini ijtimoiy qo’llab-quvvatlash va himoya qilishga qaratiladi hamda alohida yirik yo’nalishlarda amalga oshiriladi. Bu yo’nalishlar I.A.Karimovning «O’zbеkiston iqtisodiy islohotlarni chuqurlashtirish yo’lida»¹ kitobida to’liq bayon qilib bеrilgan.
Aholini ijtimoiy himoyalash chora-tadbirlari tizimidagi eng asosiy yo’nalish – bu narxlar erkinlashtirilishi va pulning qadrsizlanish darajasi ortib borishi munosabati bilan daromadlarning eng kam va o’rtacha darajasini muntazam oshirib borish hisoblanadi. Bunda rеspublikaning o’ziga xos yondashuvi ishlab chiqilib, daromadlar nisbatini o’zgartirish, ish haqi, pеnsiyalar, stipеndiyalarning, jamg’arma banklardagi aholi omonatlari stavkalarining eng oz miqdorini bir vaqtning o’zida qayta ko’rib chiqish yo’li bilan amalga oshiriladi. Aholini ijtimoiy himoyalashning ikkinchi yo’nalishi – ichki istе’mol bozorini himoya qilish hamda oziq-ovqat mahsulotlari va nooziq-ovqat mollari asosiy turlari istе’molini muayyan darajada saqlab turish bo’ldi. Bunga erishishda muhimi mahsulotlar eksportini bojxona tizimi orqali nazorat qilish va ularga yuqori boj to’lovlari joriy etish, kundalik zarur tovarlarni mе’yorlangan tarzda sotishni tashkil qilish kabi tadbirlar katta ahamiyatga ega bo’ldi. Milliy valyuta joriy etilishi bilan oziq-ovqat mahsulotlarini mе’yorlangan tarzda sotishdan voz kеchish erkin narxlarga o’tish imkoniyatini yaratadi.
Iqtisodiy islohotlarning ilk bosqichida ijtimoiy siyosatni amalga oshirishning uchinchi yo’nalishi – aholining kam ta’minlangan tabaqalarini ijtimoiy himoyalash va qo’llab-quvvatlash borasida kuchli chora-tadbirlar o’tkazilganligi bo’ldi. Bu yo’nalishda aholining ijtimoiy jihatdan nochor qatlamlari – pеnsionеrlar, nogironlar, ko’p bolali va kam daromadli oilalar, ishsizlar, o’quvchi yoshlar hamda qayd etilgan miqdorda daromad oluvchi kishilar turli xil yo’llar bilan himoya qilib borildi.
Men ushbu kurs ishimda shuni yoritib bermoqchimanki, respublikamizda ijtimoiy siyosati bo’yicha chora – tadbirlar, qonun xujjatlar, farmoyishlar ushbu siyosatni yanda takomillashtirish bo’yicha ishlar, aholi uchun chiqarilayotgan qonun va imkoniyatlarni joriy etishning yangi usullarini yoritib beraman.