«turon-iqbol»

Guljahon MARDON qizi, shoira.

---

8
Ilk qadam
Shodmonqulov Abbos Asad o‘g‘li 2004-
yil 19-fevralda Samarqand viloyati Past-
darg‘om tumanida tavallud topgan. She’r va 
maqolalari o‘ttizdan ortiq gazeta-jurnallarda 
chop etilgan. ”Bahor qaytdi, do‘stlarim” 
she’riy to‘plami muallifi, qator bayozlarga 
she’rlari kiritilgan. Ayni damda O‘zbekiston 
yoshlar ittifoqi Samarqand viloyat Kengashi 
qoshida faoliyat yuritayotgan Samarqand yosh ijodkorlar Ken-
gashi raisi sifatida faoliyat yuritmoqda
OJIZLIK
O‘z-o‘zimni qilgim kelmas fosh,
Sen buzasan qalb darvozasin
Ozod bo‘lar bekingan ko‘z yosh,
Eshityapsanmi yuraklar sasin?!
Jon kuydirib gapirmoq nedir,
Tosh qalblarga qo‘shiq aytmoqdan.
“Sevma” deya aytib bo‘larmi,
Luqma o‘tmas hatto tomoqdan.
Istiqboling o‘ylayverar dil,
Ixtiyorim chekinar o‘zdan.
Baxt izlamam, baxtim o‘zing bil,
Qarzdorman bir umr kuzdan...
O‘z-o‘zimni qilgim kelmas fosh,
Faqat senga aytarman barin. 
Va sen bilan chiqadi quyosh,
Yurak eshtar yurakning dardin.

---

9