Evfemizm (grek. euphemismos < eu – yaxshi+phemi – gapiraman) – Narsa-hodisaning ancha yumshoq shakldagi ifodasi; qo‘pol, beadab so‘z, ibora va tabu o‘rnida qo‘pol botmaydigan so‘z, iborani qo‘llash.
Ekzotik leksika (grek. exotikos – yot, kelgindi) – Boshqa tillardan o‘zlashgan, nutqqa alohida kolorit berish uchun qo‘llanadigan so‘z va iboralar.
Etalon – Predmet, hodisa va obyektlarning sifat va xossalarni o‘lchaydigan mohiyat. Etalon ijtimoiy-psixologik miqyosda tabiat, jamiyat hodisalari, inson haqidagi me’yoriy tasavvurlar ko‘rinishida aks etadi. Etalon tanlash xususiyati va baholashga ta’sir ko‘rsatadi. Etalonlar, odatda, turg‘un o‘xshatishlar tarkibida mavjud bo‘ladi. Masalan, chiroyli ko‘z o‘zbek tilida ohuning, qozoq tilida bo‘taloqning, qirg‘iz tilida sigirning ko‘ziga o‘xshatilsa, rus tilida smorodina, oyna, osmon kabilarga qiyoslanadi.
Do'stlaringiz bilan baham: |