Ushbu o’quv-uslubiy majmua 5120100- filologiya va tillarni o’qitish (o’zbek tili) bakalavryat ta’lim yo’nalishida ta’lim olayotgan talabalarga mo’ljallangan

OLIY VA O‘RTA MAXSUS TA’LIM VAZIRLIGI


SOTSIOLINGVISTIKA

FAN DASTURI

Bilim sohasi: 100000 – Gumanitar soha

Ta’lim sohasi: 120000 – Gumanitar fanlar
Ta’lim yo‘nalishi: 5120100 – Filologiya va tillarni o‘qitish
(o‘zbek tili)

TOSHKENT – 2016

O‘zbekiston Respublikasi Oliy va o‘rta maxsus ta’lim vazirligining 2016-yil “___”dagi ___ sonli buyrug‘ining ___ilovasi bilan fan dasturi ro‘yxati tasdiqlangan.
Fan dasturi Oliy va o‘rta maxsus, kasb-hunar ta’limi yo‘nalishlari bo‘yicha O‘quv-uslubiy birlashmalar faoliyatini Muvofiqlashtiruvchi Kengashning 2016-yil “___” dagi___ -sonli bayonnomasi bilan ma’qullangan.

Fan dasturi Alisher Navoiy nomidagi Toshkent davlat o‘zbek tili va adabiyoti universitetida ishlab chiqildi.

Tuzuvchi:

Dadaboyev H. – ToshDO‘TAU “O‘zbek tilshunosligi” kafedrasi

professori, filol.f.d.


Taqrizchilar:

Sodiqov Q. – ToshDShI kafedrasi mudiri, filol.f.d., professor.

Mamatov A. – O‘ZDJTU professori, filol.f.d.

Fan dasturi Alisher Navoiy nomidagi Toshkent davlat o‘zbek tili va adabiyoti universiteti Ilmiy kengashida ko‘rib chiqilgan va tavsiya qilingan (2016-yil “___”dagi ___-sonli bayonnoma).

Kirish
O‘zbekiston Respublikasi Prezidenti Islom Karimovning “Alisher Navoiy nomidagi Toshkent davlat o‘zbek tili va adabiyoti universitetini tashkil etish to‘g‘risida”gi farmoni, “Ta’lim to‘g‘risida”gi Qonun hamda “Kadrlar tayyorlash milliy dasturi”dan kelib chiqqan holda “Sotsiolingvistika” fanining predmeti, vazifalarini yoritish, fan doirasida o‘rganiladigan asosiy masalalarni aniqlash, muhim yo‘nalishlari, tarmoqlari, metodlari haqida ma’lumot keltirish, shuningdek, chegaradosh fanlarga urg‘u berish.
Fanning maqsadi va vazifalari
“O‘zbek tili va adabiyoti, folklorining tarixan shakllangan adabiy, lingvistik maktablari va ta’limotlarini, mumtoz va zamonaviy metodlarini, buyuk ajdodlarimizning o‘zbek va jahon tilshunosligi rivojiga qo‘shgan hissasi, ularning ilmiy merosi, ona tilimizning xalqaro miqyosdagi o‘rni va nufuzi, uning boshqa tillar bilan aloqalari, o‘zbek tili va adabiyotining rivojlanish istiqbollari bilan bog‘liq ilmiy muammolarni tadqiq etish” vazifasidan kelib chiqqan holda fanni o‘qitishning maqsadi tilning ijtimoiy tabiati, til bilan jamiyatning o‘zaro bog‘liqligi, lisoniy vaziyatlar, tilning funksional tasniflari, sotsiolingvistikada savodxonlik masalalari haqida ma’lumot berish.
Fanni o‘qitishning vazifalari – talabalarda “Sotsiolingvistika” fanining vujudga kelishi va rivojlanishi bo‘yicha bilimlarni shakllantirish va mustahkamlash; talabalarda sotsiolingvistika bo‘yicha boshlang‘ich bilimlarni shakllantirish; sotsiolingvistika fanining tarixi haqida bilim berishdan iborat.