Узбекистон республикаси согликни саклаш вазирлиги

5.Фанлараро ва фан ичидаги боғлиқлик
Шу мавзуни ўқитишда талабаларнинг нормал физиология, патологик анатомия, ички касалликлар пропедевтикаси, факультет терапияси, фармакология, клиник фармакология бўйича ўзлаштирган билимларига асосланади. Машғулот давомида олинган билимлар умумий амалиёт шифокори, кардиология ва бошқа клиник йўналишларда ва шу билан бирга фармакологиядаги нитратлар, антиаритмик, антикоагулянтлар, бетта-адреноблокаторлар ва бошқа дори воситаларини ўрганилганда керак бўлади.


6. Машғулотнинг мазмуни:
6.1. Назарий қисми
Қон айланаши етишмовчилиги (ҚАЕ) -бу юрак қон-томир системаси ички аъзоларга ва тўқималарга қонни зарур миқдорда етказиб бериш қобилятини бузилишидир.
Қон айланиши етишмовчилиги деган тушинчага юрак етишмовчилиги (ЮЕ) ва қон-томир етишмовчилиги (ҚТЕ) киради. Кўпинча ҚАЕ юракнинг шикастланиш устинлиги билан боғлик бўлганлиги муносабати билан “Юрак етишмовчилиги” термини амалиётда қўлланилади.
Юрак етишмовчилиги асосида юракнинг насос функцияси пасайиши ётади. ЮЕ одатда иккиламчи бўлиб юрак, томир ва бошқа аъзоларнинг бирламчи касалликлари асорати сифатида юзага келади.
Юрак етишмовчилиги ўткир ва сурункали кечувда бўлиб, чап қоринчанинг систолик ва диастолик дисфункцияси ривожланиб, юракдан чиқаётган қоннинг ҳажми ошган ёки камайган бўлиши мумкин.
СЮЕни ривожланишига олиб келувчи сабаблар қуйидагилар бўлиши мумкин:
* Таҳминан 70% - ЮИК, АГ
* Таҳминан 15% - 18% - миокарднинг нокоронароген зарарланишлари:
миокардитлар, кардиомиопатиялар,
миокардиодистрофиялар.
*Таҳминан 15%-20% - Ревматик ва тугма нуксонлар

* Таҳминан 5%-8% - Перикардитлар,миокарднинг инфил-

трат. касал-ри: амилоидоз,саркоидоз,…
Ёшларда ЮЕнинг асосий сабабчиси юрак ва катта қон-томонларнинг туғма нуқсонлари ва юрак мушагининг ялиғланишидир.


ЮЕнинг асосий ривожланиш механизмлари
Чап қоринчанинг систолик дисфункцияси: атеросклеротик ва инфарктдан кейинги кардиосклерозда, дилатацион кардиомиопатияда, миокардитларда, миокардиодистрофияларда ва бошқа касалликларда вужудга келади.