V. A. Kosteckiy MÁmleket hám huqíq tiykarlarí

HUQÍQÍY MÁDENIYAT HÁMDE ONÍŃ SHAXS  
HÁM MÁMLEKET PENEN TÍǴÍZ BAYLANÍSÍ
Elimizde  alıp  barılıp  atırǵan  reformalardıń  nátiyjeliligin  jáne  de 
arttırıw,  mámleket  hám  jámiyettiń  hár  tárepleme  hám  jedel  rawajlanıwı 
ushın  jaǵday  jaratıw  elimizdi  modernizaciyalaw,  sonday-aq  turmıstıń 
barlıq  tarawların  liberallastrıw  boyınsha  ústem  baǵdarlardı  ámelge 
asırıw  maqsetinde  elimiz  Prezidenti  Shavkat  Mirziyoev  tárepinen 
2017—2021-jšllarda Ózbekistan Respublikasšn rawajlandırıwdıń bes turaqlš 
baǵdarı boyınsha háreketler strategiyası járiyalandı.
Strategiyanıń  ekinshi  baǵdarı  «Nızam  ústemligin  támiyinlew  hám 
sud huqıq sistemasın jáne de reformalawdıń turaqlı baǵdarları» dep ata-
ladı. Bul baǵdarda tómendegi ilajlar ámelge asırılıwı belgilengen:
 
— sud hákimiyatınıń haqıyqıy erkinligin támiyinlew, sudtıń abıroyın 
asırıw, sud sistemasın demokratiyalastırıw hám jetilistiriw;
 
— puqaralardıń huqıq hám erkinliklerin isenimli qorǵaw kepillikle-
rin támiyinlew;
 
— hákimshilik, jınayıy, puqaralıq hám xojalıq nızamshılıǵın jetilisti-
riw;

---

7
 
— jınayatshılıqqa  qarsı  gúresiw  hám  huqıqbuzarlıqlardıń  aldın  alıw 
sistemasın jetilistiriw;
 
— sud-huqıq sistemasında nızamlılšqtı jáne de bekkemlew;
 
— yuridikalıq járdem hám xızmet kórsetiw sistemasın jetilistiriw.
Nızam  ústemligin  támiyinlew  ushın  dáslep  xalıqtıń  huqıqıy  máde-
niyatın hám sana-sezimin kóteriw zárúr.