V. A. Kosteckiy MÁmleket hám huqíq tiykarlarí

Huqıqıy  sana-sezim  —  jámiyetshilik  sana-sezimi-
niń  bir  tarawı  bolıp,  bunda  bilimler,  talqılawlar,  bahalar, 
adamlardıń  huqıqqa  qatnası  qáliplesedi.  Huqıqıy  sana-se-
zim  qanshelli  joqarı  bolsa,  huqıqıy  mádeniyat  dárejesi  de 
sonshelli joqarı boladı.
Ruwxšy  dúnyasš  bay  adam  huqıqqa  tiyisli  bilimlerdi  tek  iyelep  qal-
may, ol bul bilimlerdi serlep, huqıqtı durıs túsiniw hám oǵan durıs qat-
nasta bolıwdı jolǵa qoyadı. Eger adam huqıqtıń áhmiyetin durıs bahala-
sa hám onıń talapların húrmet etse, ol nızamdı buzbawǵa háreket etedi.
Eger adam huqıqqa húrmetsizlik penen qatnasta bolsa, ol álbette nı-
zamǵa  qayshı  háreket  etedi.  Solay  eken,  huqıq  talapların  az  ǵana  pisent 
etpeslik  te  huqıqıy  normalardı  buzıwǵa  alıp  keledi.  Mine  sonıń  ushın 
huqıqtı biliw úlken áhmiyetke iye
Nızamlardı  biliw  óz-ózinen  huqıqıy  mádeniyattıń  joqarı  dárejes-
inen  derek  bermeydi.  Nızamlardı  jaqsı  biliw,  biraq  soǵan  qaramastan, 
olardıń talapların orınlamaw múmkin. Huqıqıy mádeniyattıń bolıwı tek 
nızamlardı biliwdi ǵana emes, al olarǵa boysınıwdı da názerde tutadı.