V. A. Kosteckiy MÁmleket hám huqíq tiykarlarí

ÓZBEKISTAN RESPUBLIKASÍ KONSTITUCIYASÍ  
MÁMLEKET ǴÁREZSIZLIGINIŃ HUQÍQÍY NEGIZI
Ózbekistan  Respublikası  Konstituciyası  mámleketimiz  ǵárezsizligi-
niń  huqıqıy  negizi,  xalıq  qálewi-kúsh-jigeriniń  eń  joqarı  kórinisi.  Hár  bir 
mámleket tiykarǵı nızamda birinshi orında óziniń basqarıw formasın kór-

---

6
setiwi tiyis. Sebebi mámlekettiń siyasiy-huqıqıy statusı belgilenbey turıp, já-
miyettiń jámiyetlik-siyasiy, ekonomikalıq, ruwxıy hám mádeniy turmısınıń 
turaqlı baǵdarlarına tiyisli qaǵıydaların anıqlastırıw mánissiz bolar edi. 
Konstituciyada  Respublikanıń  suvereniteti  bekkemleniwi  menen  Óz-
bekistan shın mánisinde ǵárezsizlikke hám erkinlikke eristi. Jer, jer astı 
baylıqları, basqa tábiyiy qorlar, ekonomikalıq, ilimiy-texnikalıq hám in-
tellektual  imkaniyatlar  milliy  baylıqqa  aylandı,  ózbek  xalqınıń  haqıyqıy 
tariyxı hám mádeniyatı tiklendi, shayırlar, muǵallimler, oyshıllar, mám-
leketlik ǵayratkerleriniń pák isimleri tiklendi. Insannıń huqıq hám erkin-
likleri Konstituciya hám nızamlar tárepinen qorǵalǵan.
Mámleket  ǵárezsizligine  erisiw,  BMSH  hám  bir  qatar  basqa  xalıq 
aralıq  shólkemlerge  aǵza  bolıw  Ózbekistanǵa  óz  aldına  sırtqı  siyasattı 
júrgiziwge, xalıq aralıq qatnasıqlardıń turaqlı baǵdarların  hám áhmiyetli 
táreplerin ózi belgilewge imkan jarattı. 
Konstituciyamızdıń  1-statyası  elimiz  ǵárezsizliginiń  xalıq  aralıq 
demokratiyalıq  qádiriyatlar  menen  tıǵız  baylanıslıǵın  belgileydi  hám 
sonıń ushın Ózbekistandı tek ǵana suveren emes, al demokratiyalıq res-
publika dep járiyalaydı.