Валюта счёти бўйича операцияларни ҳисобга олиш тартиби Валюта операцияларининг бухгалтерия ҳисобини юритиш 22-сонли бх. Мс «Чет эл валютасида ифодаланган активлар ва мажбуриятларнинг ҳисоби»

4-мисол. Валюта счётини қайта баҳолаш
Ойнинг бошида валюта счётида 1 500 доллар бўлган, доллар курси 1 270 сўмни ташкил этган. Ой давомида валюта счётида
бирорта хам операция амалга оширилмаган. Ойнинг охирига караб доллар курси 1 275 сўмгача ошди. Курс фарқи 1 500 х (1 275-1270) = 7 500 сўм. Операция қуйидаги ўтказма билан акс эттирилади:
Д-т 5210-«Мамлакат ичидаги валюта счётлари» - 7 500 сўм.
К-т 9540-«Валюталар курслари фарқидан даромадлар» - 7 500 сўм.
5-мисол. Ҳисобот бериладиган суммалар бўйича курс фарқи
300 долларлик ҳисобот бериладиган сумма берилди, доллар курси 1 230 сўмга тенг, яъни 1 230 х 300 = 369 минг сўм. Бўнак берилиши қуйидаги ўтказма билан акс эттирилади:
Д-т 4220-«Хизмат сафарларига берилган бўнаклар» - 369 минг сўм
К-т 5020-«Чет эл валютасидаги пул маблағлари» - 369 минг сўм.
280 доллар суммадаги бўнак ҳисоботи тақдим этилган ва тасдиқланган, 20 доллар кассага қайтарилган, доллар курси 1 250 сўмга тенг. Операция қуйидаги ёзувлар билан акс эттирилади:
Д-т 9420-«Маъмурий харажатлар» (280 х 1 250) - 350 минг сўм.
Д-т 5020-«Чет эл валютасидаги пул маблағлари» (20 х 1 250) - 25 минг сўм.
К-т 4220-«Хизмат сафарларига берилган бўнаклар» (300 х 1 230) - 369 минг су м.
К-т 9540-«Валюталар курслари фарқидан даромадлар» - 6 минг сўм.


6-мисол. Устав капиталини шакллантиришда курс фарқини акс эттириш тартиби
Қўшма корхонанннг таъсис хужжатлари ва 150 000 Ақш доллари суммасидаги устав капитали руйхатга олинган, доллар курси 1 230 сўмни ташкил этган:
150 000 х 1 230 = 184 500 минг сўм.
Д-т 4610-«Устав капиталига таъсисчиларнинг улушлари бўйича қарзи» -184 500 минг сўм.
К-т 8330-«Пай ва улушлар» - 184 500 минг сўм;

• 
  амалда 150 000 доллар киритилди, доллар курси 1 250 сўмни ташкил этган.:
  

150 000 х 1 250= 187 750 минг сўм.
Д-т 5210-«Мамлакат ичидаги валюта счётлари» - 187 750 минг сўм.
К-т 4610-«Устав капиталига таъсисчиларнинг улушлари бўйича қарзи» - 184 500 минг сўм.
К-т 8420-«Устав капиталини шакллантиришдаги курс фарқи» - 3 000 минг сўм.
Корхона устав капитали (фонди)ни шакллантиришда таъсис хужжатларини руйхатга олиш санаси ҳолатига Марказий банк белгилаган курслар ва устав капитали (фонди)га амалда маблағлар киритилган сана ҳолати орасидаги курс фарқлари бухгалтерия ва статистика ҳисобида 8420-«Устав капиталини шакллантиришдаги курс фарқи» ҳисобварағида қўшилган капитал сифатида акс эттирилади.