Vazirligi muhammad al-xorazmiy nomidagi toshkent axborot texnologiyalari universiteti norkobilov akram mallayevich

3.3. Aholining ishsiz qatlamini aniqlash va ish bilan ta’minlashga qaratilgan jarayonlar natijalari tahlili

Aholining mehnat bilan band bo’lmagan qismini hududlarda raqamli rivojlantirishni baholash va monitoring qilish.

Aholini mehnat bandligini ta’minlashda raqamli iqtisodiyot va elektron hukumatni keng joriy etish hamda rivojlantirish boʼyicha ustuvor loyihalarini amalga oshirilishini kompleks monitoring qilish. “Raqamli Oʼzbekiston-2030” strategiyasi doirasida hududlarni va sohalarni raqamli transformatsiya qilish boʼyicha yoʼl xaritalarining ijro holatini dolzarbligini taʼminlash.
Mehnat resurslarini rivojlantirish uchun davlat boshqaruvi organlari, xoʼjalik birlashmalari va mahalliy ijro etuvchi hokimiyat organlarida axborot-kommunikatsiya texnologiyalarini joriy qilish, raqamli iqtisodiyot va elektron hukumatni rivojlantirish loyihalarini amalga oshirish va samaradorligini reytingli baholash ishlari doirasida har 6 oyda bir marta davriylik bilan davlat xizmatlari taqdim etilishini avtomatlashtirish, maʼmuriy jarayonlarni optimallashtirish, davlat organlari faoliyatining oshkoraligi va ochiqligini oshirish, axborot xavfsizligini taʼminlash uchun davlat organlarida axborot-kommunikatsiya texnologiyalarini joriy qilish va foydalanish holatini baholash.
Hududlarning raqamli rivojlanish holatini baholash tartibini belgilovchi metodikaga muvofiq «Raqamli Oʼzbekiston – 2030” strategiyasi yoʼl xaritalarida tasdiqlangan loyihalarni monitoring qilish hamda hududlarni raqamli rivojlanish darajasini aniqlash boʼyicha reytingli baholash ishlarini amalga oshirish.
Loyiha ekspertizasi
Texnik loyiha oldi hujjatlarni ekspertizadan o‘tkazish:

• 
  elektron hukumat va raqamli iqtisodiy loyihalarini amalga oshirishda yagona texnologik yondashuvni ta’minlash;
  
• 
  loyiha-texnik hujjatlarini kompleks ekspertizadan o‘tkazish;
  
• 
  elektron hukumat va raqamli iqtisodiyotni rivojlantirish doirasidagi axborot tizimlari, ma’lumotlar bazalari va boshqa dasturiy mahsulotlarni ekspertizadan o‘tkazish;
  
• 
  davlat organlari va tashkilotlarida ishlab chiqilishi va joriy etilishi rejalashtirilayotgan axborot tizmilari, resurslar, ma’lumotlar bazalari va boshqa dasturiy mahsulotlar yuzasidan loyiha-texnik hujjatlarini ishlab chiqish.
  

2022-yil 1-iyundan O‘zbekiston qonunchiligida kuchga kiradigan elektron hukumat doirasidagi ayrim o‘zgarishlar mavjud:
«Yoshlar daftari»ga kiritilgan yoshlar OTMga kirish testlarida qatnashganlik uchun undiriladigan to‘lovdan ozod etiladi. Bu ham aholi uchun mehnat resurslarini yaratish va xalqni ish bilan ta’minlashda bilim va ko’nikmalarini shakllantirish, ish tajribasini oshirish uchun keng qamrovli imkoniyatdir.
Prezident farmoniga muvofiq, «Ijtimoiy himoya yagona reyestri» axborot tizimida ro‘yxatga olingan shaxslar va ularning farzandlari hamda «Yoshlar daftari»ga kiritilgan yoshlar oliy ta’lim muassasalariga o‘qishga qabul qilishda o‘tkaziladigan kirish test sinovlarida ishtirok etish uchun undiriladigan to‘lovlardan ozod etiladi.
Shuningdek, davlat xizmatidan foydalanishda undiriladigan to‘lovlarni Markazlarda joylashgan tijorat banklari shoxobchasidan amalga oshirganda ikki foizgacha bo‘lgan tijorat bankining komissiya summasi uchun alohida to‘lov undirilmaydi (bundan davlat boji to‘lovlari mustasno).