Yozuvchi tog‘ay murodning hayoti va ijodini muammoli ta’lim asosida o‘rganish reja

Manbalardan foydalanish uchun tavsiya etiladigan adabiyotlar ro’yxati:

1. 
   Karimov I. Istiqlol va ma’naviyat. Toshkent, «O‘zbekiston» 1994.
   
2. 
   Tog‘ay Murod. Yulduzlar mangu yonadi. Toshkent,SHARQ 2009
   

Texnologik xususiyatlardan kelib chiqqan holda keysning tavsifnomasi:

Keysning asosiy obyekti shaxs va tarbiyaga yo‘naltirilgandir. Bu tashkiliy institusional keys bo‘lib, ma’lumotlar vaziyatlar va savollar asosida tuzilgan. Hajmi qisqa, tizimlashtirilgan bo‘lib, treningga mo‘ljallangan o‘quv mavzu bo‘yicha bilim va ko‘nikmalar hosil qilishga qaratilgan. Didaktik maqsadlarga ko‘ra keys muammolarni taqdim qilishga, ularni hal etishga, tahlil qilish va baholashga qaratilgan.

Ushbu keysdan adabiyot fanini o‘qitishda foydalanish mumkin.

K I R I SH

Adabiyot fani hayot bilan chambarchas bog‘langan gumanitar fanlar tukumiga kirib, u qamrab olgan barcha bo‘lim va mavzular hayotiy hodisalarga asoslanadi. Fanning qonuniyatlari va tushunchalari aksariyat hollarda hayotiy tajriba asosida asoslab beriladi. Shuningdek bu tajriba mavzularini hayotiy hamda qiziqarli tarzda tanlash maqsadning natijasiga tez yetishtiradi. Keys uchun tanlangan mavzu ham talabalar uchun juda qizirqarli bo‘lib, mavzu asosida ular yozuvchi, uning hayoti va ijodi, tanlangan asar mohiyati haqida tushunchalarga ega bo‘lib, ularni hayotda qo‘llash ko‘nikmalariga ega bo‘ladilar.

Tavsiya etilgan keysni yechish quyidagi natijalarga erishishga imkon yaratadi:

• 
  o‘zlashtirilgan mavzu bo‘yicha bilimlarni mustahkamlash;
  
• 
  muammoning hamda qabul qilingan yechimning individual va guruhiy tahlilida bilim va ko‘nikmalarni qayta topshirish;
  
• 
  mantiqiy fikrlashni rivojlantirish;
  
• 
  mustaqil ravishda qaror qabul qilish ko‘nikmalarini egallash;
  
• 
  o‘quv axborotlarini o‘zlashtirish darajasini tekshirib ko‘rish.
  

“MOMO YER QO‘SHIG‘I” QISSASI VA PAHLAVON DAHONING FOJEASI”

(Muammoli vaziyat)

O‘ziga Pahlavon Daho nomini taxallus qilib olgan serjant Orziqulovning o‘g‘li Tursun o‘qish va to‘kin hayot ilinjida qishlog‘i va oilasini tashlab, poytaxtga ketadi. Ammo ishlari yurushmay, qishlog‘iga qaytib keladi, oddiy maktabda oddiy o‘qituvchi bo‘lib qoldi. Tabiatan chapani, dimog‘dor bo‘lgan Tursun – Pahlavon Daho qishlog‘idan, o‘z xalqining turmush tarzidan ijirg‘ana boshladi. Chidolmadi va yana poytaxtga bosh olib ketdi. O‘zini juda iste’dodli, zamonaviy shoir deya his qilib yurgan iymonsiz bu “chala shoir” jamiyatda ham, adabiyotda ham o‘z o‘rnini topa olmadi. O‘z xotinini yomonotliq qilib ajrashgan, ota-onasining hurmatini joyiga qo‘ymagan, ig‘vo va fitnalar qilish bilan yashagan Tursun – Pahlavon Dahoning qilmishlarini oqlash mumkinmi? Jamiyatimizda bunday odamlarni qanday qilib to‘g‘ri yo‘lga solish mumkin?