Ўзбекистон Республикаси Бандлик ва меҳнат муносабатлари вазирлиги фаолиятини ташкил этиш чора-тадбирлари тўғрисида

VIII. Халқаро меҳнат ташкилоти билан ҳамкорлик ва баҳамжиҳат ҳаракат қилиш

47.	2017 — 2020 йилларда Ўзбекистон Республикаси томонидан ратификация қилинган Халқаро меҳнат ташкилоти (ҲМТ) конвенцияларини амалга ошириш юзасидан қўшимча чоралар кўрилишини ва тегишли Республика идоралараро комиссияси тузилишини назарда тутувчи Ҳукумат қарори лойиҳасини ишлаб чиқиш ва киритиш.	Вазирлар Маҳкамаси қарори лойиҳаси	2018 йил март	Меҳнат вазирлиги, Касаба уюшмалари Федерацияси Кенгаши, ССП, манфаатдор вазирлик ва идоралар
48.	ҲМТнинг қуйидаги Конвенцияларини миллий қонунчиликка имплементация қилиш имкониятини ўрганиш: 17-сон ишлаб чиқаришдаги бахтсиз ҳодисаларда меҳнаткашларга тавон тўлаш тўғрисидаги; 81-сон саноат ва савдода меҳнатни инспекция қилиш тўғрисидаги; 97-сон меҳнаткаш-мигрантлар тўғрисидаги (қайта кўриб чиқилган); 129-сон қишлоқ хўжалигида меҳнатни инспекция қилиш тўғрисидаги; 132-сон ҳақ тўланадиган таътиллар тўғрисидаги (1970 йилда қайта кўриб чиқилган); 144-сон халқаро меҳнат нормаларини қўллашга кўмаклашиш учун уч томонлама маслаҳатлашувлар тўғрисидаги; 156-сон эркак ва аёл ходимлар учун тенг имкониятлар ва уларга тенг муносабатда бўлиш (оилавий мажбуриятлари бўлган ходимлар) тўғрисидаги; 177-сон касаначилик меҳнати тўғрисидаги; 183-сон оналикни муҳофаза қилиш тўғрисидаги 1952 йилги Конвенцияни қайта кўриб чиқиш ҳақидаги; 187-сон меҳнат хавфсизлиги ва гигиенасига кўмаклашувчи асослар тўғрисидаги; 29-сон мажбурий меҳнат тўғрисидаги Конвенцияга 2014 йилги қўшимча протоколи.	Ўзбекистон Республикаси Ҳукуматига маълумотнома хати	2017 — 2020 йиллар	Меҳнат вазирлиги, Касаба уюшмалари Федерацияси Кенгаши, ССП, ТИВ, Инсон ҳуқуқлари бўйича миллий марказ
49.	Ўзбекистон томонидан ратификация қилинган ҲМТ Конвенцияларини амалга ошириш бўйича республикада олиб борилаётган ишлар тўғрисида хорижий шериклар билан, шу жумладан Ўзбекистон Республикасининг дипломатик ваколатхоналари орқали кенг кўламдаги ахборот-тушунтириш ишларини амалга ошириш.	Ахборот материалларини тайёрлаш	доимий	Меҳнат вазирлиги, Касаба уюшмалари Федерацияси Кенгаши, ССП, ТИВ
50.	Бандлик ва меҳнат муносабатлари вазирлиги тузилмасида Меҳнатни нормалаш ва ишчиларнинг асосий касблари бўйича малакасини баҳолаш бюросини ташкил этиш тўғрисидаги таклифларни ишлаб чиқиш ва киритиш, унинг вазифалари этиб қуйидагиларни белгилаш: техника, технологиялар ривожи ва ишлаб чиқаришни ташкил этишнинг ҳозирги ҳолатини инобатга олувчи илмий асосланган меҳнат нормаларини ишлаб чиқиш ва жорий этиш; корхоналар ва ташкилотлар органларининг буюртманомаларига кўра касбий-малака тавсифлари ва талабларини, шунингдек, лавозим йўриқномаларини ишлаб чиқиш; ишчиларга малака разрядларини берган ҳолда асосий ишчи касблари бўйича малакани мустақил равишда баҳолаш.	Таҳлилий маълумотнома хати	2018 йил март	Меҳнат вазирлиги, Касаба уюшмалари Федерацияси Кенгаши, ССП, Молия вазирлиги, Давлат тест маркази
51.	ҲМТ Бюросининг Шарқий Европа ва Марказий Осиё мамлакатлари учун жавобгарлик зонасига кирувчи давлатларда ишлаб чиқаришдаги шикастланиш, бахтсиз ҳодисалар ва касб касалликларининг олдин олиш ҳолати тўғрисидаги ахборот айирбошлашни амалиётга жорий этиш.	Ўзбекистон Республикаси Ҳукуматига маълумотнома хати	2017 — 2020 йиллар	Меҳнат вазирлиги, Касаба уюшмалари Федерацияси Кенгаши, ССП, ТИВ
52.	Халқаро меҳнат нормалари ва стандартларини, шунингдек, ҲМТга аъзо мамлакатларнинг илғор амалиётларини миллий қонунчиликка татбиқ этиш мақсадида ҲМТ ва бошқа халқаро ташкилотларнинг тавсияномалари бўйича хорижий тажрибани ўрганишни ташкил этиш.	Ўзбекистон Республикаси Ҳукуматига маълумотнома хати	доимий	Меҳнат вазирлиги, Касаба уюшмалари Федерацияси Кенгаши, ССП