Ўзбекистон республикаси олий ва ўрта махсус таълим вазирлиги ўзбекистон республикаси соғЛИҚНИ

АПФ ингибиторлари. Декомпенсацияли ўпка юрагида узоқ вақт қўллаш ўнг қоринча етишмовчилигида катта аҳамият касб этади. АПФ ингибиторлари нафақат юрак етишмовчилиги патогенези звеносига таъсир қилиб нейрогуморал ва гемодинамик «енгиллашиш» келтириб чиқариб ўпка артериясидаги босимни туширади. Ингибитор АПФ дориларини узоқ вақт қўллаш юрак етишмовчилигини олдини олади, беморларнинг умри узаяди, касалликнинг оқибати ва ҳаёт сифати яхшиланади. АПФ ингибиторларининг юрак етишмовчилигидаги таъсири қуйидагича: юрак ремоделлашиш жараёнини секинлаштиради, гипертрофияга учраган юрак қоринчаларини орқага қайтаради; ўнг қоринча дилятациясига йўл қўймайди; миокарднинг интерстициал фибрози ҳосил бўлишини секинлаштиради;ўнг қоринчанинг диастолик таранглигини пасайтиради. Бундан ташқари АПФ-ингибиторлари гуморал (эндокрин) РААС ва ангиотензин-II ҳосил бўлишини пасайтириб юракнинг гемодинамик нагрузкасини пасайтиради, ўнг қоринчанинг пред-ва постнагрузкасини пасайтиради. АПФ-ингибиторларининг бу таъсирлари артериолаларнинг ва веналарнинг вазодилятацияси, буйрак усти бези альдостерон гормонининг синтези камайиши ва буйрак дистал каналчаларида натрий реабсорбциясининг пасайиши; САС нинг фаоллиги пасайиши ҳисобига рўй беради.
Шундай қилиб, сурункали ўпка юраги бор беморларни комплекс равишда даволаш: ўпка артериал гипоксемиясини коррекция қилиш, гемореологик кўрсаткичларга таъсир қилиш, қоннинг уюшқоқлиги ва тромбоцитлар агрегациясига таъсир қилиш, юракнинг гемодинамик ва нейрогуморал «енгиллаштириш» эҳтиёткорлик билан вазодилататорларни қўллаш ва ўпка артериясидаги босимни туширишдан иборат.
Касалликни оқибати.
Касалликнинг оқибати кўпинча ўпка бронх системасида кечаётган жараённинг ҳусусияти ва оғирлик даражасига боғлиқ. Касалликнинг жиддий оқибатларидан ўпканинг бирламчи артериал гипертензияси, ўпка майда артерияларининг рецидивли тромбоэмболияси ҳисобланади. Декомпенсацияли ўпка юраги, кучайиб борувчи ўнг қоринча етишмовчилиги ва шиш синдроми бор беморлар ҳаётининг давомийлиги 2,5-5 йил бўлади.


4. Амалий қисм.
Амалий кўникмалар ва уларнинг қадамма-қадам бажариш технологияси:
Машғулотнинг бу қисми беморларни терапия ёки пульмонология бўлимларида курация қилишга бағишланади. Дастлаб ўқитувчи ўпка юраги билан асоратланган беморни талабалар билан биргаликда клиник таҳлил қилади.Сўнгра эса мустақил курация учун беморларни талабаларга бўлиб беради. Курация сўнгида эса талабалар берилган беморларни баён этишади ва бунда ўзлаштирган амалий кўникмаларини намойиш этишади.Педагог эса кафедрада ишлаб чиқилган мезонларга асосланиб, бу кўникмаларнинг қадамма-қадам ўзлаштиришини баҳолайди.
Амалий кўникмаларни қадамма-қадам ўзлаштириш, уни бажариш ва баҳолаш.