“Ўзбекистон темир йўлари” датк

6. Амалий машғулот
Локомотивларга техник хизмат кўрсатиш ва таъмирлаш циклограммасини қуриш


1. Умумий қоидалар
Локомотивларни соз ҳолда сақлаш, уларнинг барқарор ишлаши ва уларнинг эксплуатациядаги ишончлигини ошириш учун “Ўзбекистон темир йўллари” компанияси раисининг 12.04.2021 йилдаги № 361-N буйруғи билан электровоз ва тепловозларга қуйидаги режали техник хизмат кўрсатиш ва таъмирлаш турлари белгиланган.
ТХ-1, ТХК-2, ТХК-3 техник хизмат кўрсатишлар локомотивларда ҳосил бўладиган носозликларнинг олдини олиш ва локомотивлар ишга яроқлилик ва санитария-гигиеник ҳолатини сақлаш, уларнинг узлуксиз ишлашини ва хавфсиз ҳаракатланишини, шунингдек йўловчиларнинг юқори даражада қулайлик билан ҳаракатланишини таъминлаш учун мўлжалланган.
Техник хизмат кўрсатиш ТХК-4 ҳаракатланиш хавфсизлигига жавоб берадиган, ғилдирак жуфтлиги бандажининг ейилиш миқдори (прокат) оптимал бўлишини таъминлаш мақсадида ғилдирак жуфтлигини локомотив тагидан чиқариб олмасдан йўниш учун.
Жорий таъмирлаш ЖТ-1, ЖТ-2 – локомотивларнинг асосий эксплуатация тавсифларини ва ишга яроқлилигини мос равишдаги таъмирлараро даврда тиклаш учун деталларни таъмирлаб, тафтишлаб, айрим детал узеллари ва агрегатларини алмаштириб, созлаш ва синаш, шунингдек қисман модернизациялаш учун.
Жорий таъмир ЖТ-1р – локомотивларнинг асосий эксплуатация тавсифлари ва ишга яроқлилигини тафтишлаш, таъмирлаш ва деталларни, узеллар ва агрегатларни алмаштириб, шунингдек кузовни кўтариб, рама ва аравача рамасида дарзлар бор-йўқлигини назорат қилиш ва уларни йўқотиш, электровоз кузовидаги дарзларни йўқотиш, айрим ёйилган узел ва деталларни йўқотиш, айрим ёйилган узел ва деталларни алмаштириш, уларни модернизациялаш учун.
Жорий таъмир- ЖТ-4 электровозларнинг эксплутацион тавсифномаларини ёйилган узел ва деталларни таъмирлаш ва алмаштириш ва уларни модеринизациялаш йўли билан тикланади.
ЖТ-1р ва ТХК-4 жорий таъмирнинг қўшимча турининг киритилиш, ва таъмирлараро даврларнинг ўзгариши муносабати билан электр ҳаракатдаги тартибга жорий таъмир ЖТ-2 бекор қилинди.