Ўзбекистонда халқаро туризмни ривожлантириш истиқболлари улашов Алибой Рашид ўғли

Материаллар ва методлар
Туризм соҳасинни ривожлантириш борасидаги дастлабки жиддий тадқиқотларни амалга оширган олимларимиздан Самарқанд иқтисодиёт ва сервис институти олимлари И.С.Тухлиев, Ғ.Х.Қудратов, М.Қ.Пардаевлар туризмни ривожлантириш бўйича илмий изланишлар олиб борган бўлиб. Улар муаллифлигидаги 2010-йилда “Иқтисодиёт молия” нашриёти томонидан чоп қилинган “Туризмни режалаштириш”[2] номли дарсликда туризмни ривожлантиришнинг тамойиллари, туристик маҳсулотни ишлаб чиқиш ва режалаштириш, туризм корхоналарида бизнес режалаштириш ва туризм соҳасини ташкилий механизмлари каби йўналишларда илмий изланишлар олиб борган. Мамлакатимиздан бундан ташқари ёш олимлар ҳам туризм бўйича турлича мавзулар танлаб ўз тадқиқотларини амалга ошириб туризм тизимининг ривожланишига ҳисса қўшмоқдалар.
Бизнинг тадқиқотларимиз амалий аҳамиятга эга бўлиб, қиёсий таҳлил, мантиқийлик, умумлаштириш методлари асосида туризм тизимининг амалдаги ҳолати таҳлил қилиниб, таҳлиллар асосида тизимнинг ривожлантириш йўналишлари белгилаб берилган.


Асосий қисм
Бугунги кунда Ўзбекистоннинг туризм инфратузилмаси, туризм хизматлари сифати ва унинг даражаси, шунингдек тармоқни бошқариш тизими глобаллашув ва кескин рақобат шароитида замонавий талабларга мос келмайди. Туризмнинг мамлакат иқтисодиётига қўшаётган ҳиссаси, хизмат кўрсатиш соҳасини ривожлантириш ва аҳолини иш билан таъминлаш жаҳондаги ўртача кўрсаткичлардан орқада қолмоқда.
Туризм салоҳиятидан етарли даражада фойдаланилмаётганлигини қуйидаги рақамларда кўришимиз мумкин: мамлакатимизда 7300 дан ортиқ маданий мерос объектлари, шу жумладан, 4300 дан ортиқ археологик объектлар, 2000 дан ортиқ архитектура объектлари мавжуд бўлиб, уларнинг атиги 500 дан ортиғида туристлар ташрифи учун шароит қилинган ҳамда туризм йўналишига киритилган.

1-расм.Ўзбекистондаги барча маданий мерос объектлари, 2019 йил[3]

Шу муносабат билан мамлакатимизда янги иш ўринлари яратиш, иқтисодиётни диверсификация қилиш, ҳудудларни жадал ривожлантириш, валюта тушумларини кўпайтириш, аҳоли даромадлари ва турмуш даражасини ошириш каби энг муҳим ижтимоий-иқтисодий вазифаларни яқин истиқболда ҳал қилиш учун кенг салоҳиятга эга бўлган туризм соҳасини ривожлантириш борасида изчил чора-тадбирларни амалга ошириш зарур.

Мамлакатимизда туризм ривожланишининг асосий кўрсаткичларини таҳлил қилиш натижалари шуни кўрсатадики, гарчи уларнинг барчасида ўсиш кузатилса-да, мавжуд имкониятларни ҳисобга оладиган бўлсак, бу соҳада ҳал этилиши лозим бўлган муаммолар кўламининг кенглигининг гувоҳи бўламиз.