Ўзбекистонда халқаро туризмни ривожлантириш истиқболлари улашов Алибой Рашид ўғли

Туристик фаолиятни амалга оширган фирма ва ташкилотлар сони, бирлик	358	343	433
468
Хизмат кўрсатилган ташриф буюрувчилар сони, минг киши	511,6	514,1	465,4	560,4

Бошқача қилиб айтганда, агар 2012 йилда 1 та туристик фаолият билан шуғулланган фирма ёки корхона ўртача 1430 нафар кишига хизмат кўрсатган бўлса, 2018 йилга келиб бу кўрсаткич 232 нафаргача пасайган. Туризм соҳасининг ривожланишини ифодаловчи бошқа кўрсаткичлар ҳақида маълумотлар олиш анча мушкул бўлиб, бу туризм статистикасининг мақсадга мувофиқ йўлга қўйилмаганлиги билан боғлиқ. Шу сабабли туризм статистикасини мақсадга мувофиқ ташкил этиш бўйича аниқ чора-тадбирлар тизимини ишлаб чиқиш зарур.

Шунингдек, бизнинг фикримизча, Ўзбекистон туристик маҳсулотларининг рақобатбардошлигини ошириш долзарб масалалардан ҳисобланиб, қуйидагилар Ўзбекистонни хорижда тарғиб қилишга салбий таъсир кўрсатмоқда:

• 
  яшаш ва авиапарвозлар учун юқори нархлар;
  
• 
  сервис даражасининг чекланганлиги;
  
• 
  муҳандислик, транспорт ва ижтимоий инфратузилмаларнинг номукаммаллиги;
  
• 
  қулай сайёҳлик ахборот таъминоти (навигация ва ахборот марказлари)нинг мавжуд эмаслиги;
  
• 
  малакали кадрларнинг танқислиги.
  

Бундан ташқари, сайёҳлар учун маъмурий ва иқтисодий тўсиқлар, туризм фаолияти билан шуғулланишда (лицензиялаш ва сертификатлаш) давлат назоратида бир қанча енгилликлар мавжуд бўлсада, ҳамон жиддий муаммолар тўсиқ бўлиб турибди.
Бугунги кунга келиб, Бутунжаҳон туризм ташкилоти (ВТО) туризмнинг бешта турини энг истиқболли йўналиш, дея эътироф этди. Булар: Саргузашт, туризм, денгиз ва сув туризми ва экотуризм. Бу бешта туризм тури ичида энг ёш ва истиқболли йўналишлардан бири экотуризм бўлиб, у энди ривожланиб келаётганлиги, кам ўрганилганлиги ҳамда сердаромадлиги билан ажралиб туради.
Шунинг учун Ўзбекистонда туризм соҳасини ривожлантиришда экотуризм алоҳида аҳамиятга эга. Экотуризмга бўлган эътиборнинг кучайиши бир қатор омиллар билан боғлиқ:
Биринчидан, халқаро мақомдаги ташкилот ва муассасаларнинг маълумотига кўра, “кўпгина туризм турлари йилига ўртача 5 фоизга ортиб бораётган бўлса, экотуризм йилига ўртача 20-30 фоизга кўпайиб бормоқда”[5]. Кўпгина мутахассис ва тадқиқотчиларнинг илмий тажриба ва хулосалари шуни кўрсатмоқдаки, экотуризм туризмнинг янги ва ёш йўналиши бўлишига қарамасдан, оммалашуви бошқа туристик йўналишларга нисбатан 2-3 баробар жадал кечмоқда;