1. Ijtimoiy-madaniy masalalar / Sog‘liqni saqlash

15-jadval
Markazlashtirilgan sterilizatsiya bo‘limi xonalarining tarkibi va maydoni

T/r	Xonalar nomi	Maydon, m^2
		Shifoxonalar koykalar soni bilan		Ambulatoriya-poliklinikalari qatnovlar soni bilan
		50 dan kam	50 dan ortiq	100 gacha	101 — 500	501 va undan ortiq
1	2	3	4	5	6	7
1.	Nosteril materiallarni qabul qilish va saqlash xonasi	-	12	-	8	10
2.	Tibbiy jihozlarni yuvish va quritish xonasi	4	18	4	8	10
3.	Qadoqlash xonasi	-	12	-	8	10
4.	Sterilizatsiya xonasi	avtoklav hajmidan kelib chiqqan holda	1 ta avtoklavga 9	avtoklav hajmidan kelib chiqqan holda	1 ta avtoklavga 9, lekin 12 dan kam emas
5.	Ekspeditsiya xonasi	-	12	-	8	8
6.	Katta tibbiy hamshira xonasi	-	10	-	10	10
7.	Yig‘ishtirish anjomlarini saqlash xonasi	-	4	-	4	4
9.	Sanuzel shlyuz va qo‘l yuvish uskunasi bilan	-	4	-	4	4
10.	Xodimlar xonasi	-	12	-	12	12

Izoh:
* 75 l dan kam bo‘lgan hajmdagi avtoklav uchun — kamida 4 m²;
75 l dan 100 l gacha hajmdagi avtoklav uchun — kamida 6 m²;
100 l dan ortiq hajmdagi avtoklav uchun — kamida 9 m².
Jarrohlik yo‘nalishdagi statsionar muassasalarda, 5 va undan ortiq stomatologik kreslosi mavjud bo‘lgan stomatologiya poliklinikalarida, kamida 3ta yo‘nalish bo‘yicha tibbiy yordam ko‘rsatuvchi ambulatoriya-poliklinika muassasalarida (katta miqdordagi instrumentlardan foydalanuvchi — jarrohlik, ginekologiya, oftalmologiya, otolaringologiya, travmatologiya, urologiya, proktologiya, kosmetologiya, laboratoriya xizmati, tez yordam) MSB xonalarining soni 4 tadan kam bo‘lmasligi kerak. Bunda yuvish xonasi 4 m²., qadoqlash xonasi 4 m²., sterilizatsiya xonasi (avtoklav hajmidan kelib chiqqan holda) va ekspeditsiya xonasi 4 m² bo‘lishi kerak.
20-§. Patologik anatomiya bo‘limi
217. Patologik anatomiya bo‘limi loyihalashtirish rejasiga asosan alohida qurilgan binoda yoki binoning izolatsiya qilingan alohida qismida joylashtirilishi kerak.
218. Bo‘limda ma’muriy-xo‘jalik, seksion, laboratoriya, yuqumli kasalliklar hududiga ajratiladi. Bo‘limda kamida ikkita kirish yo‘liga (murdalarni olib kirish, xodimlar va tashrif etuvchilar kirishi uchun) ega bo‘lishi kerak. Yuqumli kasalliklarga chalingan murdalarni patologoanatomik tekshiruv ishlari o‘tkazish uchun alohida izolatsiya qilingan xona hamda alohida kirish yo‘li bo‘lishi kerak.
219. Patologik anatomiya bo‘limida kamida ikkita seksion xona bo‘lishi kerak va ulardan bittasi alohida tashqi kirish yo‘liga ega bo‘lishi kerak.
220. Seksion stollar namli tozalash va dezinfeksiya ishlari o‘tkazishga chidamli suv o‘tkazmaydigan materiallardan tayyorlangan, sovuq va issiq suv tarmog‘iga hamda yot jismlarni ushlab qoluvchi setka qo‘yilgan oqova suv tarmog‘iga ulangan bo‘lishi kerak. Seksion zal polida chiqindi suvlar oqib ketishi uchun trap o‘rnatilgan bo‘lishi kerak.
221. Seksion material bilan ishlash shaxsiy himoya vositalaridan (xalat, qo‘lqop, fartuk, ko‘zoynak va b.) foydalangan holda amalga oshirilishi lozim. Sil kasalligida majburiy maskalardan (respiratorlar) foydalaniladi. Karantinli yuqumli kasalliklarga gumon qilinganda, himoya kostyumlaridan qo‘llaniladi.
222. Nam autobiopsiya va biopsiya materiallari maxsus xonada (nam autobiopsiya va biopsiya materiallari arxivida) stellajlarda, yopiq bankalarda saqlanishi kerak.
223. Patologik anatomiya bo‘limi xonalari tarkibi va maydonlari ushbu sanitariya qoidalarining 16-jadvalida belgilangan.