1. Ijtimoiy-madaniy masalalar / Sog‘liqni saqlash

1-jadval
1 ta shifo o‘rni uchun ajratiladigan yer maydoni

T/r	Sig‘imi (o‘rin soni)	1 ta bemor o‘rni uchun yer uchastkasi (m^2)
1.	50 tagacha	250
2.	51 — 100	250 — 180
3.	101 — 200	180 — 140
4.	201 — 400	140 — 100
5.	401 — 800	100 — 80
6.	801 — 1000	80 — 60
7.	1000 dan ortiq	60

Izoh: 1 nafar bolalar o‘rni uchun shifoxonaga belgilangan normaning 1,5 barobari (koeffitsiyenti) qabul qilinadi.
17. Ambulatoriya-poliklinika muassasalari alohida binolarda joylashganda qizil chiziqqacha bo‘lgan masofa 15 m ni tashkil etishi kerak. Agar ambulatoriya-poliklinika turar joy va jamoat binolarida, shuningdek ushbu binolarning birinchi qavatlarida joylashtirilganda shaharsozlik normalari va qoidalariga muvofiq alohida kirish yo‘laklariga ega bo‘lishi kerak.
18. Tez tibbiy yordam stansiyalarida (shaxobchalarida) avtotransport vositalarini joylashtirish uchun har bir mashina uchun 12,0 m² bo‘lgan joy (boks) tashkil etiladi. Tez tibbiy yordam avtotransportlari turargohidan turar-joy uylarigacha bo‘lgan masofa kamida 50 m bo‘lishi kerak.
19. Shifoxonalar va dispanserlar umumiy yer maydonining 50 foiz qismida qurilgan bo‘lishi, qolgan 50 foiz qismida esa ko‘kalamzorlashtirilgan maydon (daraxtzorlar, yashil maydon) bo‘lishi kerak. Shifoxonalarda ko‘kalamzorlashtirilgan hudud 1 ta o‘rin uchun kamida 25 m² ni tashkil etishi kerak.
Tabiiy yorug‘lik va quyosh turining tushishi (insolatsiya) kamayishini oldini olish maqsadida daraxtlar 10 m dan yaqin bo‘lmagan masofada, butazorlar esa binolarning nur o‘tkazuvchi teshiklaridan 5 m masofada ekiladi.
Shifoxonalar va ambulatoriya-poliklinika muassasalari uchastkalarining perimetri bo‘ylab ikki qator baland daraxtlar va bir qator butalardan tarkib topgan kengligi 10 m va 15 m bo‘lgan daraxtzor tashkil etilishi kerak.
20. Shifoxonalar hududida yuqumli va yuqumli bo‘lmagan kasalliklarga chalingan bemorlar uchun davolash binolari (pediatriya, psixosomatika, teri-tanosil, radiologik binolar, tug‘ruqxonalar va akusherlik bo‘limlari), patologoanatomiya binolari, bog‘-park, xo‘jalik hududi va muhandislik inshootlari kabi hududlarga ajratiladi.
21. Ko‘p tarmoqli shifoxonalar tarkibiga kiruvchi yuqumli kasalliklar, teri-tanosil, psixosomatik, akusherlik, bolalar va radiologiya bo‘limlari alohida binolarda joylashtirilishi kerak.
Avtonom ventilatsiya tizimi va alohida kirish joyi va yo‘lagiga ega bo‘lgan binolarda ushbu bo‘limlarni boshqa bo‘limlar bilan bitta binoda joylashtirish mumkin (silga qarshi davolash muassasalari bundan mustasno).
22. Yuqumli kasalliklar shifoxonalari va bo‘limlari uchun alohida kirish yo‘li va avtotransportlarni dezinfeksiya qilish uchun suv bilan ta’minlangan yopiq maydon tashkil etilgan bo‘lishi lozim. Ushbu maydon beton bilan qoplangan, oqova suvlarni yig‘ishga mo‘ljallangan xandaq o‘rnatilgan bo‘lishi kerak.
23. DPM hududidagi korpuslar va boshqa binolar orasidagi sanitariya oraliq masofalari insolatsiya, yoritilganlik, shamollatish, shovqindan himoya qilish va boshqa optimal sharoitlarni ta’minlashi lozim.
DPMlarda xonalar derazalarining joylashishini 2-jadvalga muvofiq joylashtirish tavsiya etiladi.