2- ma’ruza: turizmda transport vositalarining infratuzilmasi reja

2000 yil - aviakompaniyaga "Yevromarket - 2000" sovrini topshirildi. Rim, Birmingem, Amritsarga qatnovlar boshlandi.

2001 yil - Toshkent-Osaka yo‘nalishida muntazam qatnovlar boshlandi.

2002 yil - A-310, Boing 767/1757 havo kemasiga xizmat ko‘rsatish va ta’mirlash ishlarini bajargani uchun Yevropa sifat sertifikatiga ikkinchi marotaba milliy aviakompaniyaga topshirilishi MAK aviata’mirlash korxonasini texnik xizmat ko‘rsatishning xalqaro bozoriga chiqish imkoniyatini berdi. Aviata’mirlash korxonasi "O‘zbekistan Airvays Techniks" deb qayta nomlandi. Chkalov nomidagi Toshkent Aviatsiya ishlab chiqarish birlashmasi mahsuloti Il-114-100 samolyoti mahalliy yo‘nalishlarda qatnovlarni amalga oshira boshladi.

2003 yil - aviakompaniya yangi Boing-767-300ER yo‘lovchi layneriga ega bo‘ldi. Toshkent-Xanoy-Xoshimin xalqaro qatnov amalga oshirildi. Moskvada bo‘lib o‘tgan 26- xalqaro anjumanda "Toshkent" aeroporti "2003 yilning eng yaxshi aeroporti" degan unvonga sazovor bo‘ldi. "Samarqand" aeroporti ham ana shunday unvonga ega bo‘ldi.

2004-yil - yana bitta Boing-767-300-YER va uchta Boing-757-200 kemalari olindi, ular bajariladigan ish hajmi bo‘yicha 14ta Il-86/62 va Tu-154B kemalarining o‘rnini bosadi. Riga, Shanxay, Ostonaga qatnovlar yo‘lga qo‘yildi.

2005-yilda aviakompaniya parvozlar xavfsizligini ta’minlash bo‘yicha qo‘lga kiritgan yutuqlari uchun Butunjahon Xavfsizlik jamg‘armasi Prezidentining Faxriy Diplomi hamda "Boing" rusumidagi samolyotlardan foydalana boshlaganidan buyon o‘tgan o‘n yil ichida parvozlar xavfsizligi va ishonchliligi bo‘yicha yuqori ko‘rsatkichlarga erishgani bois "Boing" kompaniyasining Esdalik nishoniga ega bo‘ldi. Dunyoda samolyot ishlab chiqarish bo‘icha yetakchi kompaniyalarning 16ta Boing-767-300ER, Boing-757-200, A-310, RJ-85 samolyotlaridan unumli foydalanmoqda. Moskvaga qo‘shimcha ertalabki qatnovlar ochildi

2006-yil - parvozlar xavfsizligini ta’minlash, ishlab chiqarish ko‘rsatkichlari hamda soha faoliyati unumdorligini oshirish, aviakompaniyaning butun faoliyati rentabelligiga erishish yilidir. Toshkent-Urumchi-Toshkent yo‘nalishida muntazam qatnovlar amalga oshiriladi.