2- ma’ruza: turizmda transport vositalarining infratuzilmasi reja

«O‘zbekiston havo yo‘llari» Milliy aviakompaniyasi tuzilmasi. "O‘zbekiston havo yo‘llari" - xalq xo‘jaligi va aholini aviatsiya xizmati (yuk, yo‘lovchi tashuvlari, maxsus aviaishlar) bilan ta’minlovchi O‘zbekiston Respublikasi milliy aviakompaniyasidir. Aviakompaniya 1992 yil 28-yanvarda O‘zbekiston Respublikasi Prezidenti farmoniga binoan tashkil etilgan. Ana shu vaqtdan boshlab samolyot parkini zamonaviylashtirish, yangi aerovokzallar qurish, havodagi harakatni boshqarish tizimini tubdan o‘zgartirish, aerodromlarni yangi zamonaviy texnika bilan ta’minlash, yuqori malakali mutaxassislarni tayyorlovchi baza hamda menejment tizimini takomillashtirishga yo‘naltirilgan respublika Fuqaro aviatsiyasini rivojlantirish davlat dasturi amalga kirdi. O‘tkazilgan islohotlar O‘zbekiston aviatsiya transportining xalqaro, iqtisodiy, diplomatik va madaniy aloqalarini rivojlantirishda yetakchi sohalardan biriga aylanishiga omil yaratdi.

"O‘zbekiston havo yo‘llari" Milliy aviakomapniyasi xalqaro aviatashuvlar bozorida o‘zining munosib o‘rniga ega. U o‘z faoliyati davomida bir necha marotaba nufuzli mukofotlar: faol ishlari uchun "Yevromarket - 2000" sovrini, Xalqaro aviatsiya xavfsizligi jamg‘armasi diplomi, Xalqaro aeroportlar birlashmasi mukofotlariga sazovar bo‘ldi. Aviakompaniya Amerika, Yevropa, Yaqin va O‘rta Sharq davlatlari, Janubi-Sharqiy va Markaziy Osiyo hamda MDHning 40 ortiq shaharlariga muntazam qatnovlarni amalga oshiradi. Orttirilgan tajriba va an’analarning zamonaviy boshqaruv tizimi bilan birgalikda uyg‘unlapshuvi, xalqaro amaliyot, xizmat ko‘rsatishning yangi axborot texnologiyalarini ishlab chiqarishga joriy etilishi milliy avikompaniyani dunyoda muvaffaqiyatli va jadal ravishda rivojlanayotgan aviakompaniyalar safidan bir qatorda joy olishiga imkoniyat yaratdi.

Aviakompaniya faoliyatidagi muhim voqealar: