2- мавзу: Керамик материаллар ва буюмлар (кмб). Гилтупроқ таркиби, хоссалари. Гилтупроқни куйдиришда физик-кимёвий жараёнлар. Керамик буюмлар ишлаб чиқариш технологияси, турлари, хоссалари, ишлатилиши. Режа

5-расм. Ички деворларга қопланадиган плиткалар


Полбоп керамик плиткалар қийин эрийдиган ва эримайдиган гил ва қўшимчалар асосидаги хом ашёни пишириб олинади. Полбоп плиткалар сув ўтказмайдиган, кислота ва ишқор эритмалари, ёғ ва ширин моддалар эритмаларига чидамли, едирилишга бардошли бўлиши керак. Сув шимувчанлиги 4% ошмаслиги шарт. Плиткалар квадрат,тўғри тўртбурчак, беш, олти, саккиз қиррали бўлиши мумкин. Улар 16 типда (200-4)х(173-49)х(10-13) мм ўлчамларда ишлаб чиқарилади.
Плиткалар юзаси силлиқ, релефли, бир ва бир неча рангли, ялтироқ ва ялтирамайдиган, расмли ва расмсиз бўлиши мумкин. Ҳозирги кунда сериографик усулда қопланган йирик ўлчамли плиткалар (200х200х11 мм) жамоат ва турар жой бинолари полларини безашда ишлатилмоқда.
Полларни қоплаш учун томонлари 23 ва 48 мм бўлган қалинлиги 6 ва 8 мм квадрат ва тўғри бурчакли мозаика плиткалар ишлатилади. Плиткалар оқ ва рангли бўлиши мумкин, сув шимувчанлиги эса 4% гача бўлади. Мозаик плиткалардан гилам нусхалар тайёрланиши поллар қилишда меҳнат сарфини камайтиради.
Полбоп плиткалар жамоат биноларининг вестибюлларида, йўлакларида, лаборатория хоналарида ишлатилади.
5.Махсус керамик материаллар ва буюмлар
Черепица. Черепица осон эрийдиган гиллардан пазли штампланган, пазли лентасимон, ясси лентасимон ва конкисимон турлари ишлаб чиқарилади (6-расм). Черепица ишлаб чиқаришдаги жараёнлар керамика технологияси сингаридир. Черепица томбоп мустаҳкам, атмосфера муҳитига чидамли, оловга бардошли материал бўлиб, 300 йилгача хизмат қилиши мумкин. Черепица массасининг катталиги, томга ўрнатиш нишабининг юқорилиги (30% кам эмас), томга ёпиш жараёнида қўл меҳнатининг кўплиги унинг камчилиги ҳисобланади. Черепица томда бири иккинчисининг устига чок бостириб қўйилгани учун фойдали юзаси 50-85% ташкил этади. Черепицанинг сув шимгандаги массаси 50-60 кг/м² бўлиши мумкин. Совуққа чидамлилиги эса 25 циклдан кам бўлмаслиги шарт.

6-расм. Керамик черепицанинг турлари
а-пазли штампланган; б-пазли лентасимон; в-ясси лентасимон; г-конкисимон.

Черепица асосан турар жой, маъмурий ва қишлоқ хўжалик бинолари томларини ёпишда ишлатилади. Черепица Европа мамлакатлари қурилиш тизимида кўп тарқалган, хозирги кунда черепица Ўзбекистонда ҳам ишлаб чиқарилмоқда ва қурилишда кенг кўламда ишлатилмоқда.