2-маъруза. Тармоқ хавфсизлиги усулларининг классификацияси

Биринчи босқич – АХни таъминлаш масалаларини аниқлаш ва уларни таъминлаш бўйича талабларни ишлаб чиқиш ҳисобланади ва қуйидагиларни ўз ичига олади:

• 
  МУТ АХ объектини, техник воситалар таркибини, ишлаш алгоритмларини, МУТ тармоғининг ўзаро таъсирлашиш протоколлари ва процедураларини аниқлаш;
  
• 
  компонентларнинг заифликларини таҳлил қилиш, МУТ АХга таҳдидларни аниқлаш;
  
• 
  хавфларни таҳлил қилиш (МУТ АХга у ёки бу таҳдидларларнинг амалга оширилишини олиб келиши мумкин бўлган оқибатларни тахмин қилиш);
  
• 
  улардан ҳимоялаш қаралаётган МУТда берилган сифатда таъминланиши керак бўлган МУТ АХга энг хавфли таҳдидларнинг рўйхатини ва ҳимоялаш вазифалари рўйхатини тузиш.
  

Иккинчи босқич – МУТ АХни таъминлаш қоидаларини аниқлаш, улар ўз навбатида, қуйидаги масалаларга мувофиқ ҳимоялаш усуллари ва функцияларини аниқлаши керак:

• 
  қайси ресурслар ва қандай даражада ҳимояланиши керак;
  
• 
  қайси воситалар ёрдамида ҳимоялаш амалга оширилиши керак;
  
• 
  ҳимоялашнинг амалга оширилиши ва ишлатилишига ҳаражатларнинг тўлиқ нархи қандай бўлиши керак.
  

Жавобларга мувофиқ тармоқ ресурсларидан фойдаланиш ва асосий вазифа - маълумотларни сифатли узатилиши бўйича берилган талабларни бажариш қоидалари тузилади.
Учинчи босқич – МУТ АХни таъминлаш тизимининг архитектурасини аниқлаш, яъни айрим ҳимоялаш механизмлари кўринишида амалга ошириладиган ҳимоялаш функциялари, процедуралари ва воситалари, шунингдек асосий МУТнинг бузилган ишлаш жараёнини қайта тикланишини таъминлаш масаласи ҳисобланадиган АХни бошқариш масалаларини ечишга кирадиган, уларни қўллашни таъминлаш бўйича амалларни аниқлаш ҳисобланади.


Назорат саволлари:

1. 
   МУТ хаёт даврини ташкил этувчилари нечта босқичдан иборат?
   
2. 
   МУТи АХни таъминлаш тизимини қуриш ва уни ишлаши қандай принципларга асосан амалга оширилади?
   
3. 
   АХ сиёсати доирасида қараладиган МУТнинг ҳимоялаш объектлари нималардан иборат?
   
4. 
   МУТи АХТТ қандай вазифаларни амалга ошириши керак?
   
5. 
   МУТи АХТТ нималарни таъминлаши керак?
   
6. 
   АХТТга қўйиладиган асосий талаблар нималардан иборат?
   
7. 
   МУТи АХни таъминлаш чораларининг ишлатилиши нечта босқичдан иборат?