6-мавзу: Ахборот саводхонлиги ва ахборот маданияти Режа

"Ахборот маданияти" тушунча сифатида нафақат мутахассисни тайёрлаш жараёнида, балки касбий тарбия тизимида хам муҳим омил ва умумий маданиятнинг таркибий қисми ҳисобланади. Ахборот маданияти ахборот билан максадли ишлаш, ахборотни расмий кулга киритиш, уни илмий услублар ёрдамида қайта ишлаш, ўз вақтида узатиш, замонавий воситалар хамда усулларни қўллай олиш малакаси ва кўникмасига эга бўлишдир.
Ахборот маданияти умумий маданиятнинг бир бўлаги сифатида шахс ижодий қобилиятининг маҳсули ҳисобланиб, қуйидагиларда намоён бўлади:

• 
  ахборот-технология воситаларини қўллаш жараёнида аниқ кўникмаларга эга бўлишда;
  
• 
  фаолият давомида компьютер технологияларини қўллай олишда;
  
• 
  электрон манбалардан ахборотни кулга киритишни билиш, уни мақбул кўринишда тақдим этиш ва самарали фойдаланишда;
  
• 
  турли ахборот манбаларидан ижтимоий ва касбий қийматга эга бўлган ахборотларни танлаб олишда.
  

Ахборот маданияти: кенг маънода этник ва миллий маданиятларнинг ўзаро таъсирини, уларнинг инсониятнинг умумий тажрибасига боғланишини таъминловчи тамойиллар ва механизмлар йиғиндисидир;
сўзнинг тор маъносида булар:

• 
  ахборот билан ишлаш ва уни истеъмолчига назарий ва амалий муаммоларни ҳал қилиш учун тақдим этишнинг оптимал усуллари;
  
• 
  ишлаб чиқариш, ахборотни сақлаш ва узатишнинг техник воситаларини такомиллаштириш механизмлари;
  
• 
  таълим тизимини ривожлантириш, самарали фойдаланиш учун шахсни ўргатиш оммавий ахборот воситалари ва маълумотлар.
  

Жамиятни ахборотлаштириш даврида ахборот маданияти – ахборотдан фойдаланиш, дунёнинг янги (ахборот) манзарасини қуриш ва унда ўз ўрнини аниқлашга асосланган янги турмуш тарзини ўзлаштиришга тайёрликдир. Шахснинг умумий маданиятининг бир қисми сифатида ахборот маданияти ахлоқ ва эстетика, эргономика ва ахборот хавфсизлиги масалаларини (ҳам ахборотни ҳимоя қилиш маъносида, ҳам инсон руҳиятини ҳимоя қилиш маъносида) ўрганиши керак.