Akbakultura fani boyicha

AKBAKULTURA fani boyicha
(fanning nomi)


Maruzalar
====================================


Кириш

Аквакультура фани, тарихи, мақсади ва вазифалари. Фаннинг тадқиқот услублари, объекти. Фанининг бошқа фанлар билан боғлиқлиги. Сув экотизимида балиқларнинг биологик хилма-хиллигини сақлашдаги аҳамияти. Фаннинг ҳалқ хўжалиги, қишлоқ хўжалиги, тиббиёт муаммоларини ечишдаги тутган ўрни. Фаннинг балиқчи (ихтиолог) мутахассислик тайёрлашдаги ўрни.

Аквакультура – бу сув организмларини яъни гидробтонтларни маданийлаштиришдан иборат бўлиб, ўз ичига сув ҳайвонлари шу жумладан балиқчиликдан юқори даражали маҳсулот олишдан иборат. Табиий сув ҳавзаларидаги балиқ заҳираларининг камайиб кетиши натижасида янги соҳа аквакультура шаклланди. Аквакултуранинг бошқа соҳалари садок балиқчилиги, бассейн жадал балиқчилиги, сув ўсимликларини кўпайтириш каби тармоқлари ривожланмоқда.


Фаннинг мақсади ва вазифалари
Аквакультура фанининг ўқитишдан мақсад талабаларга балиқчиликда янги объектларни етиштириш йўлларини ўзлаштириш шунингдек сув хавзаларида озуқа баъзаларининг биологияси, экологияси, этологияси, филогенези, систематикаси ва зоогеографияси бўйича билим бериш. Аквакультура фани ҳайвонат дунёсини ўрганишда назарий ва амалий масалаларни ҳал этиб биологиянииг айрим йўналишларини ривожланиши учун асос бўлиб хизмат қилади. Сув хавзаларида янги фойдали махсулотларни етиштириш халқ хўжалиги амалиётда балиқчилик хўжаликлари технологиялари ютуқларидан фойдаланиш ёритиб берилади.
Кейинги йилларда наслчилик ишлари, интродукция ва янги тур балиқлар, сув ўтлари ва бошқа сув жонзотларини шакллантириш ишлари оқсаб қолганлиги сабабли Ўзбекистон шароитида яшай оладиган ва юқори балиқ махсулоти берадиган балиқларни ва бошқа сув жонзотларини олиб келиш ва иқлимлаштириш ишларини аквакультура фани амалга оширади.
Магистрантлар Аквакультура фанини ўрганиш асосида балиқчилик хавзаларининг тузилиши, балиқ етиштириш технологияси, кўпайиш усуллари, ўсиш, ривожланишни турли туманлиги, уларни морфологик, анатомик, физиологик ва экологик аспектларини ёритишда ушбу фанни аҳамияти нақадар катта эканлигига ишонч хосил қиладилар.
Магистрантлар аквакультура фанини чуқур ўзлаштириши учун назарий ва амалий машғулотларда бериладиган материаллар ўзаро уйғунлашган бўлиши керак. Буни самарали амалга оширишда ҳозирги замон ўқув қуроллари, лаборатория анжомлари ва ёрдамчи техник воситалардан кенг фойдаланиш талаб қилинади.