Акбарходжаева Феруза Абдуганиевна Лингвостатистическое исследование

Тадқиқотнинг республика фан ва технологиялари ривожланишининг устувор йўналишларига мослиги. Диссертация республика фан ва технологиялар тараққиётининг I. “Ахборотлашган жамият ва демократик давлатни ижтимоий, ҳуқуқий, иқтисодий, маданий, маънавий-маърифий ривожлантиришда инновацион ғоялар тизимини шакллантириш ва уларни амалга ошириш йўллари” устувор йўналиши доирасида бажарилган.
Муаммонинг ўрганилганлик даражаси. Терминларнинг шаклланиши, лингвистик хусусиятларига бағишланган тадқиқотлар диссертациянинг назарий асосини таъминлади².
Жаҳон тилшунослигида тиббиёт терминларини тадқиқ этишга бағишланган ишлар мавжуд, жумладан, Wijnen-Meijer, W.Burdick, Alofs L. et al., H.Herre, B.Heller, G.Banay, J.Katarzyna, G.Zenon каби олимлар тадқиқотларида тиббиёт терминлари шаклланишининг илмий-назарий асослари очиб берилган³.
Рус тилшунослигида: М.Н.Чернявский, А.Г.Бунина, Е.В.Бекишева, С.Г.Дудецкая, В.Ю.Никольский, И.В.Мотченко, Е.Н.Загрекова, Ж.Багана, С.М.Величкова, Е.В.Бекишева, Т.А.Трафименкова, В.Ф.Новодранова, В.В.Иванов, Г.Д.Арнаудов каби тилшунос олимлар томонидан тиббиёт терминларининг шаклланиш, тартибга солиш, ясалиш хусусиятлари нафақат рус тили, балки инглиз, немис ва ҳ.к. тиллар мисолида тадқиқ қилинган^4..
Ўзбек тилшунослигида тиббиёт терминларининг лингвистик хусусиятлари ва ўқитиш методикаси масалалари: Й. Тўрақулов, А. Ҳусанов, А. Мадвалиев, А. Қосимов, З. Мираҳмедова, Ф. Абдулхаирова, М. Исраилова, Ф. Қосимова, Р. Абдуллаева каби олимлар ишларида ёритилган⁵.
Тиббиётда лотин тилининг ўрни: Ю.Ф. Шульц, М.Н. Чернявский,
Г.В. Петрова, В.И. Еремичева, Я.М. Боровский, М.М. Йулдошев,
М.Н. Болиевларнинг ишларида таҳлилга тортилган⁶.
Кўриб турганимиздек, тиббиёт терминлари бўйича муайян тадқиқотлар амалга оширилганлигига қарамай, тиббиёт терминлари тизимида лотин тили терминларининг рус ва ўзбек тилига ўзлаштирилиши масалалари лингвостатистик аспектда тадқиқ этилмаган.
Диссертация тадқиқотининг диссертация бажарилган олий таълим муассасасининг илмий-тадқиқот ишлари режаси билан боғлиқлиги. Диссертация иши Ўзбекистон давлат жаҳон тиллари университетининг илмий-тадқиқот ишлари режасига мувофиқ № И-204-4-5 «Докторантлар, мустақил изланувчилар ва талабалар ўртасида олиб борилаётган илмий-тадқиқот, илмий-ижодий ишлар» илмий лойиҳасининг «Рус ва ўзбек тилларининг қиёсий типологияси» мавзуси доирасида бажарилган.