Акбарходжаева Феруза Абдуганиевна Лингвостатистическое исследование

Тадқиқотнинг амалий натижалари қуйидагилардан иборат:
тиббиёт соҳасига оид терминларни тартибга солиш бўйича берилган амалий таклиф ва тавсиялар соҳа терминологиясини ривожлантиришга хизмат қилиши асосланган;
тиббиёт соҳасида лотин тилидан ўзлаштирилган терминларнинг лингвистик хусусиятларига доир назарий хулосалар тегишли олий ўқув юртларида ушбу соҳалар бўйича ташкил этиладиган ўқув фанларидан дарслик, қўлланмалар ҳамда электрон луғатлар яратишда муҳим манба бўлиб хизмат қилиши далилланган;
тадқиқот доирасида “Лотин тили ва тиббий терминология” қўлланмаси яратилган;
тадқиқот натижалари тилшуносликда термин ясаш, терминлар учун миллий тилларда муқобил вариантларни ҳосил қилиш, терминлар тараққиётининг омиллари каби масалаларни ёритишда илмий-амалий аҳамиятга эга эканлиги асосланган.
Тадқиқот натижаларининг ишончлилиги муаммонинг аниқ қўйилганлиги, тўпланган материаллар таҳлили асосида илмий асосланган хулосалар чиқарилганлиги, лотин тилидан ўзлаштирилган тиббиёт терминларига ўзбек ва рус тилларининг хусусий табиатидан келиб чиққан ҳолда ёндашилганлиги ҳамда тадқиқот натижаларининг ваколатли ташкилотлар томонидан тасдиқлангани билан изоҳланади.
Тадқиқот натижаларининг илмий ва амалий аҳамияти. Тадқиқот натижаларининг илмий аҳамияти олинган натижаларнинг терминология ва таржимашуносликнинг тадқиқот кўламини бойитиши, чоғиштирилаётган тиллардан олинган таҳлил натижалари тиббиётга оид терминларнинг тилдаги ўзига хос мавқеини кўрсатиб бериши ва қиёсий терминология соҳасининг тадқиқот тамойилларини янада бойитиши, ҳамда бошқа терминологик тизимларнинг лингвистик хусусиятларини ёритишда манба сифатида хизмат қилиши билан белгиланади.
Тадқиқот натижаларининг амалий аҳамияти тадқиқот материаллари ва хулосаларидан спорт этикаси, терминшунослик, лингвистика, лексикология, лексикография, терминография фанлари бўйича маъруза курслари, семинар машғулотларини ишлаб чиқиш, олинган хулосаларнинг соҳавий терминшунослик ва луғатшуносликни ривожлантириш ҳамда халқаро маълумот алмашинуви тизими самарадорлигини оширишга хизмат қилиши, олий ўқув юртларида луғатлар, дарсликлар, ўқув қўлланмалар яратиш, турли методик тавсияномаларни ишлаб чиқишда фойдаланиш мумкинлиги билан изоҳланади.