Buxoro davlat universitetining pedagogika instituti tabiiy va gumanitar fanlar fakulteti xorijiy tillar kafedrasi

Buxoro davlat universitetining Pedagogika instituti
Tabiiy va gumanitar fanlar fakulteti
Xorijiy til va adabiyoti ta’lim yoʻnalishi 1XTA-21 guruh
talabasi Nurulloyeva Shaxinabonuning
Tili oʻrganilayotgan mamlakat adabiyoti fanidan
“Ingliz va o‘zbek folklorida mifologik jang motivi” mavzusidagi kurs ishiga


TAQRIZ
Mazkur kurs ishi ingliz va oʻzbek folklorida mifologik jang motivlarini qiyoslab oʻrganishga qaratilgan. Ish toʻrtta reja, xulosa, hamda foydanilgan adabiyotlar roʻyxatidan tashkil topgan. Kurs ishi tuzilgan rejalar asosida ketma-ketlikda yozilgan.
Kurs ishining ilk rejasida talaba xalq og‘zaki ijodining jahon adabiyotidagi o‘rni va ahamiyati haqida fikr yuritgan. Unda folklor tushunchasi, uning ikki mamlakat adabiyotidagi ahamiyatiga bogʻliq ma’lumotlar berib oʻtilgan. Keyingi rejada o‘zbek va ingliz xalq ogʻzaki ijodida mifologik jang tasviri haqida batafsil fikr yuritilgan. Unda talaba Beowulf dostoni, Robin Hood, Alpomish, Goʻrogʻli, Ravshan, Kuntugʻmish, Shoh Gʻarib va Shohsanam va shu kabi bir qator namunalarda jang motivi bosh qahramonning xarakteri va jismoniy sifatlarini hamda voqealar rivojini jadallashtirish maqsadida sujetni yanada boyitib tinglovchining diqqatini oʻziga tortish uchun ham keng qoʻllanilganini bayon etgan. Uchinchi rejada o‘zbek va ingliz adabiyotida jang tasvirining o‘xshash va farqli tomonlari tahlil qilingan boʻlsa, soʻnggi toʻrtinchi rejada talaba “Alpomish” dostoni va “Robin Gud” balladasida jang motivi tasviridan misollar tahlilini olib borgan. Ushbu kurs ishida talaba amaliy jihatdan yondashib, ingliz hamda oʻzbek folklori namunalaridagi jang motivini tahlil qilgan.
Talabaning ishga jiddiy, chuqur yondashganini koʻplab adabiyotlar, internet manbalaridan, ilmiy maqolalardan foydanilganini mazkur kurs ishida sezishimiz mumkin. Ishda ayrim imloviy xatolar koʻzga tashlandi, ammo ishning ilmiyligiga ta’sir koʻrsatmaydi. Kamchiliklar talabaga aytildi va oʻz oʻrnida tuzatildi.
Xulosa oʻrnida talaba har bir rejani ochib berishga, ularga tegishli boʻlgan ma’lumotlarni toʻplashga, misollarni qiyoslab berishga hamda oʻz mustaqil fikrini bayon etishga harakat qilgan. Mazkur kurs ishi himoyaga tavsiya etilishi mumkin.