D shokirova

partiyaviyligi;

lavozimi;

ilmiy darajasi va unvoni.

2. 
   Hujjat nomi (Tavsifnoma).
   
3. 
   Matn.
   
4. 
   Imzolar.
   
5. 
   Sana.
   
6. 
   Muhr.
   

Tavsifnoma matnini o’zaro mantiqan bog’langan uch tarkibiy qismga ajratib ko’rsatish mumkin:

Birinchi qismda shaxsning mehnat faoliyati, ya’ni mutaxassisligi, aynan shu korxona, tashkilot va boshqa joylarda qaysi muddatdan buyon ishlayotganligi, xizmat vazifasidagi o’zgarishlar va boshqalar to’g’risida ma’lumot beriladi.

Ikkinchi qismda xodimning shaxsiy tavsifi, ya’ni ishga (o’qishga) munosabati, mutaxassislik bo’yicha mahorati, siyosiy saviyasi, tashkilotchilik qobiliyati, jamoat ishlarida ishtiroki, oilaviy ahvoli, xulq – atvori, hatto siyrati (ichki dunyosi – ma’naviyati), jamoa a’zolariga munosabati, qanday mukofotlarga sazovor bo’lganligi va boshqa asosiy rag’batlantirishlari qayd etiladi. Holis bo’lish uchun kamchiligi ham ko’rsatilib, istak bildiriladi.

Uchinchi qismda esa yuqoridagi bayon qilinganlardan xulosa chiqariladi va tavsifnoma qanday maqsadda yoki nima uchun berilayotganligi ko’rsatiladi.

Tavsifnoma matni uchinchi shaxs tilidan bayon qilinadi. Qoidaga ko’ra tavsifnomaga ko’ra ikki shaxs: muassasa (yoki bo’linma) boshlig’i va kasaba uyushmasi tashkilotining raisi imzo chekadi va ularning imzolari yumaloq muhr bilan tasdiqlanadi. Agar tavsifnoma maktab o’quvchisiga bo’lsa, unga sinf rahbari va maktab direktori imzosi yumaloq muhr bilan to’ldiriladi.

Tavsifnoma xodimning qo’liga topshiriladi yoki uni shaxsan xabardor qilgan holda, tavsifnomani talab qilgan muassasaga jo’natiladi.

Tavsifnomalarning “ishlab chiqarish tavsifnomasi”, “tavsifiy tavsifnoma”, “xizmat tavsifnomasi” kabi turlari mavjud bo’lib, ular ayrim xususiyatlari jihatidan o’zaro farqlanadi.

1 – son aniq va ijtimoiy fanlar chuqur o’rganiladigan ixtisoslashtirilgan Davlat umumta’lim maktab–internatining IX sinf o’quvchisi, 1995 – yilda tug’ilgan, o’zbek Nozima Muxtorovaga

Tavsifnoma.

Nozilma Muxtorova 2002 – yilda maktab – internatining 1 – sinfiga qabul qilindi. Maktabda tahsil olish davrida u intizomli, ziyrak va zukko o’quvchi sifatida o’zini ko’rsatdi. Barcha fanlar bo’yicha bilimlarni qunt bilan o’rganishga harakat qiladi. Rus tili faniga alohida qiziqadi. 2010 – 2011 o’quv yilida o’tkazilgan fan olimpiadalari maktab, tuman bosqichlarida g’olib bo’lib, viloyat bosqichida ham tuman sharafini munosib himoya qilgan holda faxrli II o’rinni egalladi.

N. Muxtorova maktab – internatining jamoat ishlarida faol qatnashadi, “Yosh tilshunos” devoriy gazetasiga muharrirlik qiladi.

U kamtarin va to’g’riso’zligi, mehribonligi tufayli sinfdoshlari hurmatiga sazovor bo’lgan.

Tavsifnoma tuman sanoat kollejiga taqdim qilish uchun berildi.

Sinf rahbari: (imzo) Sh. Yu. Dehqonova.

Maktab – internat direktori: (imzo) M. K. Oripova.

(muhr)

(sana)
Tavsifnoma namunasi: