Датк “ЎТЙ” Тошкент темир йўл муҳандислари институти

5. Uchastka

stansiyasi ish reja grafigini tuzish va uning koʻrsatkichlarini hisoblash

5.1. Uchastka stansiyasi ish reja grafigini tuzish
Stansiyaning sutkalik ish reja grafigini tuzishda quyidagi birlamchi ma’lumotlar kerak boʻladi:

• 
  poyezdlarni stansiyaga kelish vaqtlari, har bir poyezd tarkibidagi vagonlar soni va ularning belgilangan manzili (ushbu ma’lumotlar
  

topshiriqdagi ilovadan olinadi);

- qayta ishlovga kelayotgan, stansiyada tuzilgan poyezdlarni joʻnatish hamda tranzit poyezdlariga ishlov berish boʻyicha jarayonlarga sarflanadigan vaqtlar me’yori;

- manyovr jarayonlariga sarflanadigan vaqt me’yori;

- uchastka stansiyasi sxemasi.

Sutkalik ish reja grafigi quyidagilarni belgilaydi: stansiya jarayonlarining tutashgan uchastkalar bilan oʻzaro bogʻliqligi, uning alohida qurilmalari oʻrtasida ishlar taqsimoti, stansiyaning barcha xodimlari faoliyatining belgilanishi. Sutkalik ish reja grafigi boʻyicha stansiya ishining barcha koʻrsatkichlari va vagonlarning turishi hamda manyovr lokomotivlarini ish bilan ta’minlanganlik darajasi me’yorlangan boʻladi.

Sutkalik ish reja grafigi 24 soatga tuziladi. Stansiya ishi reja grafigi setkasida gorizontal chiziqlar bilan ingichka qilib 10 daqiqalik intervallar koʻrsatiladi, punktir chiziqlar bilan yarim soatlik hamda yoʻgʻon chiziqlar bilan 1 soatli intervallar chizib chiqiladi.

Tepadan boshlab pastga gorizontal chiziqlar bilan stansiya texnik vositalarining ishi va stansiyaga tutashgan peregonlar ishi koʻrsatib chiqiladi.

Birinchi navbatda sutkalik ish-reja grafigi setkasida yoʻlovchi hamda stansiyadan qayta ishlovsiz oʻtib ketuvchi tranzit poyezdlar joylashtirilib chiqiladi. Poyezdlarni kelish jadvali mos ravishda tranzit poyezdlarining kelish tomonidan belgilab chiqiladi, undan soʻng ularga qabul qilish-joʻnatish yoʻllarida ishlov berish koʻrsatiladi va joʻnatish tomonidan uning joʻnashi koʻrsatiladi (yoʻlovchi poyezdlari yoʻlovchi poyezdi yoʻllariga qabul qilinadi).