Датк “ЎТЙ” Тошкент темир йўл муҳандислари институти

1. Uchastka stansiyasi ishini tashkil etishning umumiy masalalari
"N" uchastka stansiyasining va unga tegishli bo‘lgan uchastkalarning texnik-foydalanish tavsifi
“N” stansiyasi ko‘ndalang turdagi uzel uchastka stansiyasi hisoblanadi. Stansiyada strelka va signallar elektr markaziylashtirilgan boshqarish usulida amalga oshiriladi.Stansiyaga avtomatik blokirovka bilan jihozlangan uchta yo‘nalishlar tutashadi.

«N-D», «N-I» yo‘nalishlari ikki yo‘llik, «N-E» yo‘nalishi bir yo‘llik hisoblanadi. «N» uchastka stansiyasiga tutashadigan temir yo‘l yo‘nalishlari sxemasi 1.1-rasmda keltirilgan.

1.1.-rasm. “N” stansiyaga tutashgan temir yo‘l yo‘nalishlarining sxemasi.

“N” uchastka stansiyasi uchta qabul qilish-jo‘natish parki, saralash parki, saralash qurilmalari, lokomotivlarga texnik xizmat ko‘rsatish va vagonlarni ta'mirlash, yo‘lovchi va yuk amallarni bajarish uchun qurilmalar, SMB va aloqa uskunalari, xizmat ko‘rsatish-texnik bino va xonalarni o‘z ichiga olgan.

“I” qabul qilish-jo‘natish parki 4 yo‘llardan iborat bo‘lib, “I” yo‘nalishlardan juft tranzit yuk poezdlarni qabul qilish va jo‘natishga mo‘ljallangan.

“D, Ye” qabul qilish-jo‘natish parki 7 yo‘llardan iborat bo‘lib, “D” va “E” yo‘nalishlardan toq tranzit yuk poezdlarni qabul qilish va jo‘natishga mo‘ljallangan.

Barcha yo‘nalishlardan qayta ishlanadigan yuk poezdlarini qabul qilish va stansiyada tuzilgan poezdlarni jo‘natish uchun “D, Ye” parkida joylashgan 3 ta yo‘llar ajratilgan.

“I” va “D, Ye” qabul qilish-jo‘natish parkidagi yo‘llar o‘rtasida poezdlardan ajratilgan poezd lokomotivlarining lokomotiv deposiga qarab va teskari yo‘nalishlarga harakatlanishi uchun 8-harakatlanadigan (xodovoy) yo‘l yotqizilgan.

Saralash parki 10 yo‘llardan iborat bo‘lib, u mahalliy vagonlarni hamda terma, uchastka va qayta ishlanadigan vagonlarni yig‘ish uchun mo‘ljallangan.

Stansiyaning texnik tasnifida uchastka stansiyasining maqsad va vazifalari, berilgan stansiyaning turi (parklarning soni, ularning bir-biriga nisbatan joylashganligi – boʻylama, yarim boʻylama, koʻndalang), stansiyada lokomotiv va vagon xoʻjaliklari, SMB va aloqa vositalari, tutashgan peregonlardagi poyezdlar harakati boʻyicha signalizaciya va aloqa vositalarining mavjudligi hamda peregonlardagi bosh yoʻllarning soni va boshqa ma’lumotlar koʻrsatiladi. Stansiyada foydalanish ishlari tasnifida sutkalik tranzit vagon oqimlari, qayta ishlovga keluvchi vagon oqimlari hamda mahalliy vagon oqimlari hajmi keltiriladi.

Bundan tashqari, burchak oqimi boʻyicha tranzit poyezdlar va vagonlar soni hamda stansiyada bajariladigan ishlarning asosiy tavsifi ham keltirib oʻtiladi.

Stansiyaning texnik hamda foydalanish ishlarining tasnifini aniqlash uchun zarur barcha ma’lumotlar kurs loyihasi uchun berilgan topshiriqda keltirilgan.