Диплом иловаларидаги фанларни тавсифлаш учун намунавий матнлар

Дарс номи: ОИЛА ПСИХОЛОГИЯСИ
Ажратилган соат: 000 (назарий 000 соат, амалий 000 соат)
Дарс мазмуни: Бу фан орқали шахс маънавиятининг шаклланишида оиланинг ўрни ва вазифаларини билиш; эрта оила қуришнинг салбий асоратларини (наслий, психологик, иқтисодий, ижтимоий) билиш; оилада шахслараро муносабатлар ва мулоқот психологияси, оилавий низолар психологияси; жинсий ҳаётнинг психофизиологик хусусиятларини ва оила мустаҳкамлигига таъсирини билиш; оиланинг ижтимоий ва этнопсихологик хусусиятларини билиш; ажралишнинг сабаб ва оқибатларини ҳамда уларнинг олдини олиш чораларини билиш каби компетенциялар шакллантирилади.


Дарс номи: ОНА ТИЛИ ВА АДАБИЁТИ
Ажратилган соат: 000 (назарий 000 соат, амалий 000 соат)
Дарс мазмуни: ушбу фан орқали ўқувчиларда она тилида ўз фикрини оғзаки ва ёзма тарзда тўғри ва равон баён қила олиш, китобхонлик маданияти, мустақил ва ижодий фикрлай олиш, ўзгалар фикрини англаш, мулоқот ва нутқ маданиятини ривожлантириш каби ҳаётий зарур билим ва кўникмалар шакллантирилади.


Дарс номи: РУС ТИЛИ
Ажратилган соат: 000 (назарий 000 соат, амалий 000 соат)
Дарс мазмуни: ушбу дарсда ўқувчиларнинг ўқиш ва меҳнат жараёнида, жамоат жойларида турли нутқий вазиятларда ўз фикрини рус тилида мустақил равишда баён эта олиш; ўзлаштирилаётган касбнинг рус тилдаги терминологияси, атамалари ва ибораларининг маъносини тушуниш; рус тилида эшитилган ахборотни идрок этиш, воқеа-ҳодисаларга ўз муносабатини билдириш; рус тилидаги норматив ҳужжатларни ўқиб, тушуниш; адабиётнинг энг сара намуналари, жаҳон маданиятига ҳисса қўшган буюк алломалар ижодий меросини ўрганиш орқали умуминсоний қадриятларга ҳурмат билан муносабатда бўлиш малакаси ривожлантирилади.


Дарс номи: ШАХС ВА ЖАМИЯТ
Ажратилган соат: 000 (назарий 000 соат, амалий 000 соат)
Дарс мазмуни: «Шахс ва жамият» фани орқали ўқувчиларда тарихий воқеаларнинг амал қилиши жараёнининг кишилар онгига, дунёқарашига таъсирини кўра билиш; инсоннинг вужудга келиши ва жамиятнинг ривожи тўғрисидаги билимларни тарихий, антропологик материаллар воситасида кенгайтириш ва чуқурлаштириш; ижтимоий ўзгаришлар ва уларнинг моҳиятини расмий ҳужжатлар ва оммавий ахборот воситалари хабарлари орқали тушунтириш; турли ижтимоий ғояларнинг мазмунини тушуна олиш; юз бераётган ижтимоий воқеаларни мустақил таҳлил қила олиш; инсоний муносабатларда юз бериши мумкин бўлган ҳар хил муаммоларга мустақил баҳо бериш кўникмалари шакллантирилади.