Doimiy ravishda “Aqliy hujumni” qo’llash

Kamida 20 ta javob yozing.
Bu savollarning har biriga kamida 20 tadan javob yozing. Agar istasangiz 20 tadan ortiq javob yozishingiz mumkin. Asosiysi 20 ta javobni yozish orqali siz o’zingizni muayyan tartib va intizomga solasiz. Negadir 20 raqami o’zgacha ta’irga ega va aksariyat hollarda yigirmanchi javob sizning martabangizni o’zgartiradigan g’oya bo’ladi. 20 ta javobni berib, ushbu javoblar ro'yxatidan darhol amalga oshiradigan kamida bitta fikrni tanlang va buni shu daqiqadayoq bajaring. Kechiktira ko’rmang. Bu juda muhim.

Siz ushbu javoblarni berib, ulardan aqalli bittasini bajargan vaqtingizda sizga kun bo’yi ijodiy g’oyalar hamroh bo’lganiga guvoh bo’lasiz. Siz shu zaylda harakat qilib borar ekansiz, sizni qanday qilib yanada samaraliroq qilishi mumkin bo’lgan g’oyalarga ega bo’lasiz. Ongingiz tunda nur sochib turgan yulduzlar singari charaqlaydi va har qachongidan ko’ra uyg’oq va ogoh bo’ladi. Siz endi nafaqat shaxsiy muammolaringizga, balki boshqa insonlarning ham qiyin vaziyatlarida tez va samarali yechim topib bera olasiz.

Boylik kaliti
Erl Naytngel ushbu g’oya haqida yozar ekan, ko’plab insonlar bu 20 g’oya usulini boshqa kreativ g’oya usullariga nisabatan ko’proq qo’llash orqali tez fursatlarda katta mablag’ qo’lga kiritganligini ta’kidlaydi. Shaxsiy va minglab shogirdlarim tajribasiga ko’ra esa ushbu 20 g’oya usuli o’zgaruvchandir. Siz bu usuldan har qanday muammoyingizga yechim topishda yoki maqsadingizga yetishishda qo’llashingiz mumkin. Masalan, uy qurishdan tortib biror bir martabaga erishishgacha bo’lishi mumkin. Siz erishadigan natija esa juda hayratlanarli bo’ladi.