Fqklarini xujjatlashtirish turli texnik vositalardan foydalaniladi

Shartli belgilar
Geologik xarita, gorizontlar bo’yicha planlar, kesim, stratigrafik ustun, har xil chizmalarni, tog’ lahimlarni xujjatlashtirishda shartli belgilardan foydalaniladi,
Chunki ularda tasvirlangan tog’ jinsi turlari, nomlari, yoshlari, tarkiblari, paydo bo’lish sharoitlari, yotish elementlari, ma’dan uyumlari, qatlam chegaralari, ma’dan oldi o’zgarishlari, mos va nomos yotishlari, burma va uzilma turlari, ularning elementlari topografik ma’lumotlar bilan ifodalanadi.


Geologik xujjatlashtirish masshtablari
Geologik xujjatlashtirishning mukammalligi bajarilayotgan ishning masshtabiga, tog’ lahimlarining maqsadiga, o’rganilayotgan kon va ma’dan maydonlarining xususiyatlariga bog’liq.
Odatda tog’ jinsi ochilmalari, ma’dan uyumlri va tog’ laxmlarining rasmi (chizmasi) 1:100 dan 1:20 gacha bo’lgan masshtabda bajariladi.
Ayrim geologik jihatdan qiziqarli joylar yirikroq, masshtabda xatto xujjatlashtiriladigan joy o’z kattaligicha berilishi mumkin.
Burg’ilash qudug’ining ustuni - kern va shlam asosida - burg’ilash qudug’ining chuqurligiga va ulardagi geologik kesimning o’rganilganligiga qarab 1:100, 1:500 masshtabda tuziladi.
Baholovchi qidirish bosqichida va kon yoki ma’dan maydonlarini dastlabki razvedka kilish jarayonlarida geologik kesimlar, stratigrafik ustunlar geologik xarita masshtabida tuziladi 1:10000, 1:1000).
Konlarning mukammal o’rganiladigan qismida bajariladigan mukammal va ekspluatastion razvedka bosqichi jarayonida gorizont planlar, kesimlar, har xil jadvallar 1:500, 1:200 masshtabida bajariladi.


Geologik xujjatlashtirish uchun talabqilinadigan asbob-uskunalar
Geologik xujjatlashtirish ishlarini bajarish jarayonida har bir geolog quyidagi asbob-uskunalarga: tog’ kompasi, geologiya bolg’asi (geologik bolg’aning bir uchi turtburchak, ikkinchi uchi yapaloq, uzunligi 10-12 sm, og’irligi 0,5-1,0 dastasining uzunligi 50-75 sm bo’ladi. Dastalar 5-10 sm qilib bo’linmalarga bo’linib qo’yiladi, (kundalik daftari, jurnallar, ryukzak, pichoq, namunalar uchun xaltachalar, ruletkalar (10-12 m), oddiy qora va rangli qalamlar, o’lchagich, transportir, masshtabli chizg’ichlar, gotovalnya, o’chirg’ich, yorliq daftarlari, millimetri va yaltiroq qog’oz, qora va rangli tushlar, namunalar uchun yorliq qogoz, termos, 10-20 marta kattalashtiriladigan lupa, durbin, kuvalda, zubila, fotoapparat, oq, emal bo’yoq, tugunli ip (tugunlar oraligi 1-5 m) bir bo’lak bur (tog’ jinsi turlari, uzilmalar, burmalar, ma’dan uyumlarining
сhegarasini belgilash uchun) xlorid kislotasi, garbid yoki akkumulyator chirog’i va boshqalarga ega bo’lishi kerak.