I bob ­– xorij psixolog olimlari tomonidan emotsional xususiyatlarning o’rganilishi. Inson va hayvonlarda emotsional holatning namoyon bo’lishi

Agressiyani bartaraf etishga doir metodikalar
«Ayiqchaga ezgu so‘zlarni ayt»
1.O‘yinning maqsadi: Bolalarda o‘zini baholashni ko‘tarishga yordam berish, bir birlariga maqtov so‘zlarini izhor qilish, e’tiborli bo‘lishga o‘rgatish.
Kerakli jihozlar: koptok, o‘yinchoq ayiqcha.
O‘yinning borishi. O’qituvchi va bolalar doira shaklida o‘tiradilar, tarbiyachining qo‘lida koptok bo‘ladi. Tarbiyachi va bolalar koptokni bir-birlariga uzatib, odamlarda qanday yaxshi xislatlar bo‘lishini esga olishadi. So‘ngra o’qituvchi o‘yinga o‘yinchoq Ayiqchani «taklif etadi».Bolalar unga quyidagicha ezgu so‘zlarni aytishadi: «Sen – ... (yaxshisan, quvnoqsan, tirishqoqsan)».So‘ngra navbati bilan har bir bola «ayiqchaga aylanadi» (o‘yinchoqni qo‘lda ushlab turadi), qolgan bolalar ayiqcha rolidagi bolaga ezgu so‘zlarni aytadilar.
«Vaziyatni rol ijro etish orqali ifodalash»
O‘yinning maqsadi: O’smirlarda atrofdagilarga e’tiborli, iliq munosabatda bo‘lish ko‘nikmalarini shakllantirish. O‘yinda bolalar tushunishning «sehrli» vositalarini o‘zlashtiradilar, tushunishning ular uchun tanish bo‘lgan vositalaridan foydalanadilar, ulardagi empatiya rivojlanadi. Bolalar tushunishning «sehrli» vositalaridan foydalanib, quyidagi vaziyatlarda o‘rtoqlariga yordam berishlari kerak:·
koptogini yo‘qotib qo‘yib, yig‘lab turgan bolaga;·
ona ishdan juda toliqib, charchab keldi;·
o‘rtog‘i juda g‘amgin bo‘lib o‘tiribdi, chunki uning onasi betob bo‘lib qoldi;·
do‘sti yig‘layapti;·
o‘rtog‘i boladan applikatsiya qilishga yordam berishni iltimos qildi.
Bunda har bir bola vazifani bajarish uchun eng samarali usullardan foydalana olishi zarur
«Chehralar».
O‘yinning maqsadi: Bolalarda hissiyotlarni mustaqil va ongli ravishda mimika orqali ifodalash, inson chehrasining mimik fodalarini tushunishni rivojlantirish.
Kerakli jihoz: inson chehrasining mimic ifodalari tasvirlangan rasmlar: quvonch, hayrat, jahldorlik, qo‘rqish, uyalish, qovoq uyish.