Kafedra mudiri____________dost. Abdunazarov S.
Ushbu uslubiy ko’rsatmada “Innovatsion menejment” fanidan kurs ishini yozish uchun o’rnatilgan umumiy qoidalar, mavzuni tanlash, ma’lumotlarni to’plash va o’rganish, reja tuzish, xulosa va takliflarni asoslash, uni rasmiylashtirish, taqriz yozish va himoya qilish bo’yicha ko’rsatmalar berilgan.
Taqrizchilar: Berdiqulov A. – “Arxitektura va qurilish” fakulteti dekani, i.f.n, dotsent.
Kattakishiyev B. – “Iqtisodiyot va Menejment” kafedrasi dostenti, i.f.n.
Tuzuvchi: D.Saidaxmedova. “Innovatsion menejment” fanidan kurs ishi yozish uchun uslubiy ko’rsatma. J.: JizPI. 2022 y. 16 bet.
1. Umumiy qoidalar
Fanni mustaqil o’rganishda alohida ahamiyatga ega bo’lgan o’quv shakllaridan biri kurs ishidir.
Kurs ishini yozish va himoya qilish jarayonida talabalar iqtisodiy fanlarni yanada chuqurroq o’rganishadi. Iqtisodiy kategoriyalar va qonunlar mohiyatini tushunish murakkab nazariy muammolarni tahlil etish, uni amaliyotda tatbiq kilish haqida o’ylashga, fikr yuritishga undaydi.
Kurs ishi talabaning ta’lim yo’nalishi o’quv rejasida belgilangan turli fanlardan olgan nazariy va amaliy bilimlariga, hamda erishgan amaliy ko’nikmalariga yakun yasovchi mustaqil ilmiy tadqiqot ishi hisoblanadi.
Kurs ishini yozish va himoya qilish “Menejment” yo’nalishi bo’yicha yuqori malakali mutaxassislarni tayyorlash jarayonining muhim bosqichi bo’lib, talablarning nazariy va amaliy bilimlarini mustahkamlash hamda kengaytirish, aniq, ilmiy, iqtisodiy, huquqiy va biznes amaliyotiga mansub muammolarni hal qilishda ushbu bilimlardan foydalanish maqsadlarini ko’zlaydi. Bundan tashqari, kurs ishi yozish oliy o’quv yurti talabasida menejment faoliyatiga taalluqli bo’lgan masalalarni yechish, mustaqil ish yuritish, ishlab chiqarish jarayonida vujudga kelayotgan kamchiliklarni bartaraf etish bo’yicha mustaqil ish yuritish ko’nikmalarini rivojlantirishga xizmat qilibgina qolmay, globallashuv sharoitida mustaqil fikrlash layoqatini va tayyorgarligini oshiradi.
Kurs ishi korxonaning biznes strategiyasi, korxona faoliyatini strategik tahlil qilish, uning maqsad va vazifalarini, biznes g’oyasini shakllantirish kabi masalarni ifodalovchi va ochiq matbuotda e’lon qilinishi mumkin bo’lgan ma’lumotlar asosida bajariladi. U ilmiy tadqiqotga xos xususiyatlarni jamlashga, amaliyotga tatbiq etish ko’nikmalarini egallashga yordam berishi lozim.
Kurs ishiga rahbarlikni kafedra professor-o’qituvchilari, hamda kafedra mudiri tomonidan tavsiya etilgan va kafedra majlisida muhokama qilinib, majlis qarori bilan tasdiqlangan yuqori amaliy-ilmiy salohiyatga ega bo’lgan malakali mutaxassislar tomonidan amalga oshiriladi.
Do'stlaringiz bilan baham: |