Kimyo fanidan mustaqil ishi

Sovun ishlab chiqarish texnologiyasi.
Moylarni qayta ishlash sanoati atir sovun xo’jalik uy-ro’zg’or va maxsus
sovunlarni bo’laksimon, parashoksimon, pastasimon va suyuq ko’rinishlarda ishlab chiqaradi. Sovun ishlab chiqarish xomashyosi bo’lib o’simlik, hayvon yog’i va moylari, shuningdek ulardan olinadigan salomaslar xizmat qiladi. Odatda moyli xomashyo tarkibiga kiruvchi trigletserinlar parchalanib, ya’ni erkin yog’ kislotalariga gidrolizlanib ishqorlar bilan reaksiyaga kirishadi va yog’ kislotalari tuzlarining sovunlarini beradi. Oziq - ovqat moylarining texnik talablarga sarflarini
kamaytirish maqsadida sovun ishlab chiqarish uchun hayvonlarning texnik
yog’lari, salomaslari, sintetik yog’ kislotalari, kanifollar, tall va naften kislotalari, salomas ishlab chiqarishda xosil bo’ladigan yog’ kislotalari va uchuvchan moddalar ishlatila boshladi. Sovun ishlab chiqarishning texnologik jarayoni ikki asosiy operatsiyadan tashkil topgan,ishqor ta’sirida yog’ kislotalarining tuzlarini xosil qilish (sovunli asos tayyorlash) va sovunli asosni qayta ishlash, ya’ni unga tovar ko’rinishini berish. Sovun ishlab chiqarishning texnokimyoviy nazorati boshlang’ich oraliq va yakuniy mahsulotlarning sifat kattaliklarini aniqlaydi, shuningdek temperatura, namlik, bosim va komponentlarning kontsentratsiyasi kabi ishlab chiqarish texnologik rejimlarini aniqlaydi. Sovun ushlab ko’rilganda qattiq bo’lishi kerak. Sovunda yoriqlar, teshiklar, dog’lar, xira shtamp va qiyshiq qirqimlar bo’lmasligi kerak. Ekstra, D va I –guruhlar uchun 10 tadan ko’p bo’lmagan hamda II va III-guruhlar uchun 15 tadan ko’p bo’lmagan kichik nuqta dog’lar ruxsat etilgan. Bo’lakning ustki qismi silliq bo’lishi kerak, bo’laklarning deformatsiyasi ruxsat etilmaydi. Begona qo’shimchalar ruxsat etilmaydi.