Kurs ishi mavzu: Qo’rg’oshin-rux rudasini flotatsiya usulida boyitish texnologiyasi

Ziryanovsk boyitish fabrikasi
Bu fabrikada og‘ir suzpenziyalarda boyitish sxemasi yordamida sulfidli va aralash polimetall rudalar qayta ishlanadi. 14mm gacha maydalangan ruda spiralli klasifikatorga kelib tushadi. Undan keyin esa asosiy korpusni bunkeriga jo‘natiladi. -50 -+14mm o‘lchamdagi maxsulot konusli separatorga boyitish uchun jo‘natiladi. Engil fraksiya esa 37-45 % ni (aralash rudalar uchun) va 23-35 % (sulfidli rudalar uchun) tashkil etib, yuvilgach bunkerga jo‘natiladi va yo‘l qurulishi uchun ishlatiladi. Og‘ir fraksiya esa yuvilgach konussimon maydalagichda 16 mm gacha maydalanib, yanchish jarayoniga jo‘natiladi. G‘alvirda yuvilgan suspenziya magnit seperatoriga jo‘natiladi. Klassifikator va gidrotsiklon quyilmasi diametri 30 m bo‘lgan quyultirgichga suvsizlantirish uchun jo‘natiladi. Undan chiqqan quyilma g‘alvirga jo‘natiladi va qum qismi esa kollektiv shlamli flotatsiyaga jo‘natiladi.
Krasnorechensk boyitish fabrikasi
Bu fabrikaga murakkab tarkibli kompleks rudalar Smirnovsk konidan keltiriladi. Kassiteritdan tashqari ruda tarkibi pirit-kalsidli va kvars-turmalinli rudalardan iborat. Asosiy minerallar pirrotin, sfalerit, galenit va pirit xisoblanib, ba’zan arsenopirit, kassiterit, xalkopirit uchraydi . Puch tog‘ jinslari esa kvars, kalsit , xlorit va ankeritdan iborat. Rudaning tarkibi juda murakkab xisoblanadi. Bu ruda murakkab kombinirlangan sxema flotatsiya- gravitatsiya usullarida boyitiladi. Ikki bosqichda 100 mm gacha maydalangan ruda g‘alvirlanadi va og‘ir suzpenziyalarda boyitish uchun jo‘natiladi. Bu jarayon diametri 3,5 m bo‘lgan konusli separatorda amalga oshiriladi. Suzpenziyaning zichligi 2,75-2,9 g/sm³. Granullangan ferrosilitsiyning solishtirma sarfi 239 g/t. Boyitish natijasida olingan engil fraksiyaning chiqishi 32-33 % bo‘lib, unda 0,165 qo‘rg‘oshin, 0,2 % rux va 0,03% qalay bor. Og‘ir fraksiya sterjenli tegirmonda yanchiladi va 0,074 mm o‘lchamdagi zarrachalar 40-45 % tashkil etib, qo‘rg‘oshin mejsiklovaya flotatsiyasiga jo‘natiladi. Bu jarayonga butilksantogenati (20g/t) va ko‘pik xosil qiluvchi reagent VSKU (15-20g/t) qo‘shiladi. Tegirmonga sfaleritni cho‘ktirish maqsadida rux kuparosi qo‘shiladi (uning sarfi 50g/t). Galenit flotatsiyasi amalga oshirilganda ph=9,5-10 bo‘lishi kerak. Mejsiklovaya flotatsiyaning chiqindisi gidravlik tasniflagichdan chiqib konsentratsion stolda boyitilgach, flotogravitatsiya jarayoniga jo‘natiladi va 20-23 % qalay konsentrati ajratib olinadi. Flotogravitatsiya chiqindisi sharli tegirmonlarda 62 % gacha yanchilgach, avval qo‘rg‘oshin flotatsiyasiga, keyin rux flotatsiyasiga jo‘natiladi. Rux flotatsiyasi chiqindisi konsentratsion stolda boyitilib, yana qalay konsentrati ajratib olinadi. Krasnouralsk fabrikasida olingan qo‘rg‘oshin konsentrati tarkibida 47-50 % qo‘rg‘oshin va 3,5-4 % rux bo‘lib, qo‘rg‘oshinning ajratib olish foizi 78 % . Rux konsetrati tarkibida esa 41-43 % rux bo‘lib, 2% qo‘rg‘oshin bor va ruxning ajratib olish foizi 78-79 % . Qalayning ajratib olish foizi 38-39 % bo‘lib, uning konsentrati tarkibida 15 % qalay, 5 % qo‘rg‘oshin, 3% rux, 0,5 % mis va 2 % mishyak bor.